रेल्वे प्रवाशांनो, १ ऑक्टोबरपासून तिकीट तपासणी कडक; ‘या’ प्रवाशांना Original ID जवळ ठेवणे आवश्यक

मुंबई : सणासुदीच्या काळात रेल्वे प्रवाशांची संख्या वाढण्याची शक्यता लक्षात घेता मध्य रेल्वेकडून १ ते ३१ ऑक्टोबर २०२६ दरम्यान विशेष तिकीट तपासणी मोहीम राबवण्यात येणार आहे. या मोहिमेत तिकीट वैधता आणि सत्यतेची तपासणी करण्याबरोबरच सवलतीच्या तिकिटांवर, निश्चित आरक्षण कोट्यावर आणि विविध रेल्वे पासवर प्रवास करणाऱ्या प्रवाशांच्या कागदपत्रांची विशेष तपासणी केली जाणार आहे.

मध्य रेल्वेचे मुख्य जनसंपर्क अधिकारी डॉ. स्वप्निल नीला यांनी दिलेल्या माहितीनुसार, सवलतीच्या तिकीटावर किंवा निश्चित आरक्षण कोट्याअंतर्गत प्रवास करणाऱ्या प्रवाशांनी आवश्यक Original ID Proof सोबत ठेवणे गरजेचे आहे. तिकीटावर अनेक प्रवाशांची नावे असल्यास, नियमानुसार त्या तिकीटावरील किमान एका प्रवाशाकडे आवश्यक ओळखपत्र असणे आवश्यक आहे. कागदपत्रे सादर करता न आल्यास संबंधित प्रवाशांवर रेल्वेच्या नियमांनुसार कारवाई होऊ शकते.

E-Pass आणि PTO प्रवाशांसाठीही महत्त्वाची सूचना

E-Pass किंवा PTOच्या माध्यमातून प्रवास करणाऱ्या प्रवाशांनीही आवश्यक Original ID Proof सोबत ठेवावे. तसेच प्रवास सुरू करण्यापूर्वी E-Pass/PTO चे निर्धारित Authority to Travel मध्ये योग्य प्रकारे रूपांतर झाले आहे की नाही, याची खात्री करावी लागणार आहे.

Unreserved तिकिटांचीही तपासणी

या विशेष मोहिमेत अनारक्षित अर्थात Unreserved Train Tickets यांच्या वैधतेवरही विशेष लक्ष दिले जाणार आहे. तिकीटाची सत्यता तपासण्यासाठी गरजेनुसार तिकीट तपासणी कर्मचारी TTE App चा वापर करू शकतात.

हेही वाचा –  स्टार्टअपची संख्या आणि अंमलबजावणीत महाराष्ट्र देशात आघाडीवर; भविष्यात जगाचे ‘Innovation Hub’ बनण्याचा फडणवीसांचा विश्वास

रेल्वेची विशेष मोहीम का?

मध्य रेल्वेच्या या तपासणी मोहिमेची प्रमुख उद्दिष्टे अशी आहेत—

-आरक्षण सुविधेचा गैरवापर रोखणे

-सवलतीच्या तिकिटांचा आणि रेल्वे पासचा गैरवापर रोखणे

-तिकिटांची सत्यता आणि वैधता तपासणे

-रेल्वेच्या महसुलातील गळती रोखणे

-अनधिकृत प्रवासाला आळा घालणे

कोणती ओळखपत्रे ग्राह्य?

रेल्वेच्या नियमांनुसार आवश्यकतेनुसार खालीलपैकी मान्य ओळखपत्रे वापरता येतात:

-निवडणूक आयोगाचे मतदार ओळखपत्र

-पासपोर्ट

-आयकर विभागाचे PAN कार्ड

-RTOकडून जारी Driving Licence

-केंद्र किंवा राज्य सरकारचे फोटो ओळखपत्र

-मान्यताप्राप्त शाळा किंवा महाविद्यालयाचे फोटोयुक्त Student ID

-फोटो असलेले राष्ट्रीयीकृत बँकेचे पासबुक

-बँकेचे फोटोयुक्त Laminated Credit Card

आधार कार्ड

रेल्वेच्या उपलब्ध नियमांमध्ये ई-तिकिटावर प्रवास करताना तिकीटावरील किमान एका प्रवाशाने निर्धारित ओळखपत्र Original स्वरूपात बाळगण्याची तरतूद नमूद आहे.

त्यामुळे ऑक्टोबरमध्ये रेल्वेने प्रवास करणाऱ्या, विशेषतः सवलतीचे तिकीट, विशिष्ट आरक्षण कोटा, E-Pass किंवा PTOचा वापर करणाऱ्या प्रवाशांनी वैध तिकीट आणि आवश्यक मूळ कागदपत्रे सोबत ठेवणे महत्त्वाचे ठरणार आहे.

महाईन्यूज-X वर फॉलो करा : महाईन्यूजला instagram वर फॉलो करा