लाडकी बहीण योजनेचा ऑगस्ट हप्ता कधी मिळणार? ३ हजार रुपयांबाबत मोठी अपडेट

मुंबई : मुख्यमंत्री माझी लाडकी बहीण योजनेच्या लाभार्थी महिलांसाठी महत्त्वाची अपडेट समोर आली आहे. गणेशोत्सव काही दिवसांवर आल्याने ऑगस्ट आणि सप्टेंबर महिन्याचे हप्ते एकत्र मिळणार का, याकडे राज्यातील लाखो लाभार्थी महिलांचे लक्ष लागले आहे. मात्र, दोन महिन्यांचे हप्ते एकत्र देण्याबाबत राज्य सरकारकडून अद्याप अधिकृत घोषणा झालेली नाही.

लाडकी बहीण योजनेअंतर्गत पात्र महिलांना दरमहा १ हजार ५०० रुपयांची आर्थिक मदत दिली जाते. ऑगस्ट महिन्याच्या हप्त्याचे वितरण सुरू असून, आतापर्यंत १ कोटी ६४ लाख ८२ हजार महिलांच्या बँक खात्यांमध्ये डीबीटीच्या माध्यमातून २ हजार ४३७ कोटी रुपये जमा करण्यात आल्याची माहिती आहे.

दोन हप्ते एकत्र मिळणार?

गणेशोत्सवाच्या पार्श्वभूमीवर ऑगस्ट आणि सप्टेंबर महिन्याचे हप्ते एकत्र वितरित केले जाण्याची चर्चा सुरू आहे. दोन्ही महिन्यांचे हप्ते एकाच वेळी जमा झाल्यास पात्र महिलांच्या खात्यात ३ हजार रुपये जमा होऊ शकतात. त्यामुळे सणासुदीच्या काळात महिलांना आर्थिक मदत मिळण्याची शक्यता व्यक्त केली जात आहे.

मात्र, ऑगस्ट आणि सप्टेंबरचे हप्ते एकत्र देण्याचा निर्णय अद्याप अधिकृतपणे जाहीर झालेला नाही. त्यामुळे ३ हजार रुपये एकाच वेळी मिळणार असल्याची माहिती सध्या केवळ चर्चेपुरतीच आहे.

हेही वाचा –  मराठा आरक्षणाच्या आंदोलनात फूट; मनोज जरांगेंच्या भूमिकेला मराठा क्रांती ठोक मोर्चाचा विरोध

ऑगस्टचा हप्ता कधी मिळणार?

मिळालेल्या माहितीनुसार, १६ सप्टेंबरनंतर ऑगस्ट महिन्याचा १ हजार ५०० रुपयांचा हप्ता टप्प्याटप्प्याने वितरित करण्याची प्रक्रिया सुरू होण्याची शक्यता आहे. मात्र, १६ सप्टेंबर ही अधिकृत तारीख नसून संभाव्य तारीख असल्याचे स्पष्ट करण्यात आले आहे.

येत्या १४ सप्टेंबरपासून गणेशोत्सवाला सुरुवात होणार आहे. त्यामुळे सणापूर्वी लाडकी बहीण योजनेचा हप्ता खात्यात जमा होणार का आणि ऑगस्ट-सप्टेंबरचे दोन्ही हप्ते एकत्र मिळणार का, याबाबत लाभार्थी महिलांमध्ये उत्सुकता आहे. राज्य सरकारच्या अधिकृत निर्णयानंतरच याबाबत अंतिम चित्र स्पष्ट होणार आहे.

महाईन्यूज-X वर फॉलो करा : महाईन्यूजला instagram वर फॉलो करा