साधू वासवानी मिशनचे दादा वासवानी यांचे निधन
पुणे – शाकाहरीसाठी देशविदेशात प्रचार करणारे साधू वासवानी मिशनचे प्रमुख दादा वासवानी यांचे अाज (गुरुवार) सकाळी 9 वाजून एक मिनिटांनी अल्पशा अाजाराने निधन झाले. ते 99 वर्षांचे हाेते. येत्या 2 अाॅगस्ट राेजी त्यांचा शंभरावा वाढदिवस हाेता.
तीन दिवसांपूर्वी दादा वासवानी यांना एका खासगी रुग्णालयात दाखल करण्यात अाले हाेते. त्यानंतर त्यांना घरीही अाणले हाेते. मात्र अाज सकाळी त्यांची प्राणज्याेत मालवली. सदैव प्रसन्न असणाऱ्या दादा वासवानी यांनी संपूर्ण अायुष्य शाकाहारीचा प्रचार केला. त्यांनी इंग्रजीमध्ये 68, कथासंग्रह 16, हिंदीत 19, सिंधीमध्ये 5, मराठीमध्ये 7, कन्नड 5, तेलगू 3, अरेबियन 2, चायनिज 1, डच 1, बहासा 4, स्पँनिस 12, गुजरातीमध्ये 1, ओरिया 5, रशियन 1, तमिळ९ , लँटवियन 1 पुस्तके लिहिली आहेत. त्यांना अाध्यात्मिक गुरु म्हणून अाेळखले जायचे. पंतप्रधान नरेंद्र माेदी यांनी त्यांच्या 99 व्या वाढदिवसानिमित्त व्हिडीअाे काॅन्फरन्स तर्फे संवाद साधत दादा वासवानी यांना शुभेच्छा दिल्या हाेत्या. त्यावेळी दादा वासवानी हे विनम्रतेचे प्रतीक असून ते भारतीय संत परंपरेतील या पिढीचे संत असल्याचे गौरवोद्गार पंतप्रधान नरेंद्र मोदी यांनी काढले होते.