शेतकरी आंदोलनावर सचिन तेंडुलकरसह गंभीर, विराटचे ट्विट; म्हणाले…
नवी दिल्ली – केंद्र सरकारच्या नव्या कृषी कायद्यांविरोधात मागील दोन महिन्यांहून अधिक काळ दिल्लीच्या वेशीवर शेतकऱ्यांचा आक्रोश सुरू आहे. या आंदोलनाला पाठिंबा देण्यासाठी परदेशी कलाकार पुढे आले आहेत. मंगळवारी जगप्रसिद्ध पॉपस्टार रिहानाने शेतकऱ्यांना समर्थन दिल्यानंतर पर्यावरण कार्यकर्ती ग्रेटा थॅनबर्गसारख्या अनेक सेलिब्रिटींनी पाठिंबा देत ट्विट केले आहे. मात्र त्यानंतर भारताचा माजी क्रिकेटपटू सचिन तेंडुलकर याने ट्विट करत ‘भारतासाठी काय चांगलं आहे, हे येथील नागरिकांना कळतं’, अशा शब्दात त्यांना फटकारलं. तर गौतम गंभीरनेही मोदींवर टीका करणाऱ्या परदेशी सेलिब्रेटींना धारेवर धरलं. त्याचबरोबर क्रिकेट संघाचा कर्णधार विराट कोहली, माजी क्रिकेटपटू कुंबळे, क्रिकेटपटू धवन आणि रैनानेही ट्विट करत शेतकरी आंदोलनावर आपली मतं मांडली आहेत.
वाचा :-सरकारी आदेशाचे पालन करा, नाहीतर कारवाई करू! ट्विटरला केंद्राचा इशारा
मास्टर ब्लास्टर सचिन तेंडुलकरने ट्विट केले की, ‘भारताच्या सार्वभौमत्वाशी तडजोड केली जाऊ शकत नाही. बाह्य शक्ती प्रेक्षक असू शकतात. मात्र ते सहभागी असू शकत नाही. भारतीयांना भारत माहित आहे आणि ते भारतासाठी निर्णय घेऊ शकतात. आपण एक राष्ट्र म्हणून एकजूट उभे राहूया.’
India’s sovereignty cannot be compromised. External forces can be spectators but not participants.
Indians know India and should decide for India. Let's remain united as a nation.#IndiaTogether #IndiaAgainstPropaganda— Sachin Tendulkar (@sachin_rt) February 3, 2021
तर भाजपाचा खासदार असलेल्या गौतम गंभीरने म्हटले आहे, ‘बाह्य शक्ती आपल्यात फूट पडण्याचा प्रयत्न करत आहेत. अनेक शतके त्यांनी आपल्यावर राज्य केले. परंतु भारत या सगळ्यावर मात करीत आलेला आहे आणि पुढेही करीत राहील. तुम्ही अब्जावधीची संपत्ती वापरून पाहा. हा नवीन भारत आहे.’
Outside forces have been trying to divide us, rule over us for centuries. But India remains & will thrive come what may! Use your billions, try your best! This is the New India 🇮🇳#IndiaTogether #IndiaAgainstPropoganda
— Gautam Gambhir (@GautamGambhir) February 3, 2021
तर भारतीय क्रिकेट संघाचा कर्णधार विराट कोहलीने म्हटलंय, ‘मतभेदांच्या या काळात आपण संघटित राहूया. शेतकरी हा आपल्या देशाचा अविभाज्य भाग आहे. मला खात्री आहे की दोन्ही बाजूंनी योग्य मार्ग लवकरच निघेल.’
Let us all stay united in this hour of disagreements. Farmers are an integral part of our country and I'm sure an amicable solution will be found between all parties to bring about peace and move forward together. #IndiaTogether
— Virat Kohli (@imVkohli) February 3, 2021
तसेच ‘जगातील सर्वात मोठी लोकशाही म्हणून भारत आपले अंतर्गत प्रश्न शांतपणे सोडवू शकतो आहे’, असे मत माजी क्रिकेटपटू अनिल कुंबळे यांनी मांडले आहे.
As the world's largest democracy, India is more than capable of taking her internal issues to amicable solutions. Onwards and upwards. #IndiaTogether#IndiaAgainstPropaganda
— Anil Kumble (@anilkumble1074) February 3, 2021
सलामीवीर शिखर धवनने ट्विट करत म्हटलं आहे, ‘एका निष्कर्षापर्यंत पोहोचणं सध्या आपल्यासाठी खूपच आवश्यक आहे. उद्याच्या भविष्यासाठी आपण सगळ्यांनी एकत्र असायला हवं.’
Reaching a solution that benefits our great nation is of utmost importance right now. Let’s stand together and move forward together towards a better and brighter future. #IndiaTogether #IndiaAgainstPropaganda
— Shikhar Dhawan (@SDhawan25) February 3, 2021
त्याचबरोबर ‘देशात काही समस्या असतात. ज्या समस्यांची उत्तरे आज उद्या मिळू शकतात. परंतु याचा अर्थ असा होत नाही की बाहेरच्यांनी हस्तक्षेप करावा’, अशा शब्दात रैनाने परदेशी सेलिब्रेटींना फटकारले आहे.
We as a country have issues to resolve today and will have issues to resolve tomorrow as well, but that doesn't mean we create a divide or get perturbed by external forces. Everything can be resolved through amicable and unbiased dialogue. #IndiaAgainstPropaganda#IndiaTogether
— Suresh Raina🇮🇳 (@ImRaina) February 3, 2021
