व्यवसाय सुलभ देशांच्या यादीत भारताच्या क्रमवारीत मोठी सुधारणा
जागतिक बँकेच्या व्यवसाय सुलभ देशांच्या यादीत भारताच्या क्रमवारीत मोठी सुधारणा झाली आहे. भारताच्या क्रमवारीत तब्बल २३ स्थानांची सुधारणा झाली आहे. भारत आधी व्यवसाय सुलभ देशांच्या यादीत १०० व्या स्थानी होता. आता भारत ७७ व्या स्थानी पोहोचला आहे.
या यादीत एकूण १९० देश असून वर्ल्ड बँकेने आज क्रमवारी जाहीर केली. ब्रिक्स देशांच्या यादीत भारताच्या बरोबरीने चीनच्या क्रमावारीतही मोठी सुधारणा झाली आहे. मागच्यावर्षी चीन ७८ व्या स्थानी होता. आता ४६ व्या स्थानी पोहोचला आहे. मागच्या दोन वर्षात भारताच्या क्रमवारीतल ५३ स्थानांची सुधारणा झाली असून नरेंद्र मोदी यांनी पदभार स्वीकारल्यापासून ६५ स्थानांची सुधारणा झाली आहे.
सत्ता आली तेव्हा पंतप्रधान नरेंद्र मोदींनी व्यवसाय सुलभ देशांच्या यादीत पहिल्या ५० देशांमध्ये पोहोचण्याचे लक्ष्य ठेवले होते. आज आपण ७७ व्या स्थानी पोहोचलो आहोत असे केंद्रीय अर्थमंत्री अरुण जेटली म्हणाले.