मराठा आरक्षणावर ५ फेब्रुवारीला पुढील सुनावणी
नवी दिल्ली – मराठा आरक्षणावर आजपासून सर्वोच्च न्यायालयात अंतिम सुनावणी सुरू होणार होती. मात्र न्यायालयाने आज सुनावणीला स्थगिती दिली असून आता या प्रकरणावर ५ फेब्रुवारी रोजी सुनावणी होणार आहे. याआधी झालेल्या सुनावणीवेळी सर्वोच्च न्यायालयाने २५ जानेवारीपासून अंतिम सुनावणी करण्याचा निर्णय घेतला होता. मात्र आज २० जानेवारी रोजी हे प्रकरण सुनावणीसाठी घेण्यात आलं होतं.
वाचा :-भारताने भूटान, मालदिवला पाठवली कोरोनाची लस
Supreme Court posts for February 5, the hearing in petitions challenging Bombay High Court verdict upholding reservations to Marathas in jobs and education under Maharashtra Socially and Educationally Backward Classes (SEBC) Act, 2018. pic.twitter.com/QjeUV6FAfQ
— ANI (@ANI) January 20, 2021
सर्वोच्च न्यायालयाने मराठा आरक्षणाच्या अंमलबजावणीस स्थगिती दिल्यानंतर राज्य सरकारने हे प्रकरण पाच सदस्यीय घटनांपीठाकडे वर्ग करण्याची मागणी केली होती. या विनंतीवर आज न्यायमूर्ती अशोक भूषण, न्यायमूर्ती नागेश्वर राव, न्यायमूर्ती अब्दुल नजीर, न्यायमूर्ती हेमंत गुप्ता, न्यायमूर्ती रवींद्र भट या ५ सदस्यीय घटनापिठासमोर आज सुनावणी झाली. राज्य शासनाचे वकील व वरिष्ठ विधिज्ञ मुकुल रोहतगी यांनी सांगितले की, या सुनावणीमध्ये अनेक वकील सहभागी होणार आहेत, ते वेगवेगळ्या शहरांमध्ये आहेत. या सुनावणीची व्याप्ती पाहता ती ‘व्हर्च्युअली’ न घेता ‘फिजिकल’ रूपात घेण्यात यावी. तसेच मराठा आरक्षणाच्या बाजूने युक्तिवाद करणारे वरिष्ठ विधिज्ञ कपिल सिब्बल, डॉ. अभिषेक सिंघवी, परमजितसिंग पटवालिया यांनीदेखील ‘एसईबीसी’ आरक्षणाची सुनावणी प्रत्यक्ष घेण्याची विनंती केली. त्यानुसार सर्वोच्च न्यायालयाने ही सुनावणी नेमकी कशी घ्यायची, याबाबत दोन आठवड्यांनी सुनावणी घेण्याचे जाहीर केले. त्यानुसार आता ५ फेब्रुवारी रोजी सुनावणी होणार आहे.