परभणी | फिट्स येऊन नालीच्या पाण्यात पडून एका २२ वर्षीय तरुणीचा मृत्यू झाल्याची घटना परभणीच्या (Parbhani) पालम शहरामध्ये घडली आहे. ही तरुणी २४ जुलै रोजी घराबाहेर पडली होती. मात्र, ती घरी परतलीच नाही. दुसऱ्या दिवशी तरुणीचा मृतदेह आढळून आल्याने परिसरात एकच खळबळ उडाली. या प्रकरणी पालम पोलीस ठाण्यामध्ये अकस्मात मृत्यूची नोंद करण्यात आली आहे. धृपता गंगाराम गंटलवाड असे मृत महिलेचे नाव आहे
धृपता गंगाराम गंटलवाड या पालम येथे प्लास्टीक बाटल्या, भंगार वेचण्याचे काम करत होत्या. त्या नियमित प्रमाणे २४ जुलै रोजी घराबाहेर पडल्या. मात्र त्या रात्री घरी परत न आल्यामुळे घरच्या लोकांनी त्यांचा नातेवाईकांकडे शोध घेतला.
या दरम्यान, दुसऱ्या दिवशी सायंकाळच्या सुमारास पालम येथे रोडच्या बाजूला नाल्यात महिलेचा मृतदेह आढळून आला. ही तरुणी फिट्स् येण्याच्या आजारामुळे त्रस्त होती. २४ जुलैला तिला फिट्स आली आणि ती नाल्यात पडली. नाल्यातील पाण्यात बुडून मृत्यू तिचा दुर्दैवी मृत्यू झाला. याबाबत मृताचा भाऊ सुभाष गंटलवाड यांनी दिलेल्या माहितीच्या आधारे पालम पोलिसांत आकस्माक मृत्यूची नोंद करण्यात आली आहे.
दरम्यान, या घटनेमुळे पालम शहरामध्ये एकच खळबळ उडाली आहे. आजारपणामुळे तरुण वयातच या तरुणीला आपले प्राण गमावाले लागले असल्याने गंटलवाड कुटुंबावर दुःखाचा डोंगर कोसळला आहे. या घटनेमुळे पालम शहरामध्ये हळहळ व्यक्त केली जात आहे.
