दीपिका पादुकोण JNUनंतर नव्या वादात…अॅसिड पीडित लक्ष्मीच्या वकीलाने छपाकचे प्रदर्शन थांबवण्यासाठी केली याचिका दाखल…
दीपिका पादुकोणनं JNU मध्ये हल्ला झालेल्या विद्यार्थ्यांना भेटायला गेली होती. त्यामुळे ती चांगलीच ट्रोल झाली.आता ते थांबत नाही तोवर,दीपिका आणखी एका अडचणीत सापडली आहे. यावेळेेस फक्त तीच नाही तर, तिचा आगामी चित्रपट छपाकही अडचणीत सापडला आहे.छपाकचे प्रदर्शन थांबवण्यासाठी दिल्ली पटियाल हाऊस कोर्टात याचिका दाखल करण्यात आली आहे. ही याचिका दुसर कोणी नाही तर, लक्ष्मीच्या वकील अपर्णा भट्ट यांनी केली आहे.
अपर्णा या सिनेमाच्या निर्मात्यांवर नाराज आहे. निर्मात्यांनी सिनेमात त्यांच्या नावाचा कुठेच उल्लेख केलेला नाही तसेच कुठेच क्रेडिटदेखील देखील दिले नाही. या कारणामुळे त्यांनी सिनेमाचे प्रदर्शन थांबवण्यासाठी याचिका दाखल केली आहे. त्यांच्या याचिकेवर आज (9 जानेवारी 2020) कोर्टात सुनावणी होणार आहे. कोर्टात अपर्णा यांनी छपाकची दिग्दर्शिका मेघना गुलजार आणि निर्माती दीपिका पादुकोण विरोधात याचिका दाखल केली आहे. अपर्णाने जवळपास 10 वर्षे लक्ष्मीची केस कोर्टात लढली होती आणि जिंकलीसुद्धा. यासाठी त्यांनी कोणतेचे मानधन घेतले नव्हते.
आपल्या याचिकेत त्या म्हणाल्या, ”त्यांनी अॅसिड हल्ला पीडित लक्ष्मी अग्रवालची केस अनेक वर्षे लढली मात्र या सिनेमात मला कुठेच क्रेडिट दिले गेले नाही.” ऐवढेच नाही तर अपर्णा यांचं म्हणणे आहे की, त्यांनी छपाक सिनेमाच्या स्क्रिप्टसाठी सुद्धा मदत केली होती. छपाकच्या निर्मात्यांनी सिनेमात क्रेडिट देण्याचा विश्वास दिला होता. मात्र असे प्रत्यक्षात झाले नसल्याचे अपर्णा नाराज आहे… जोपर्यंत क्रेडिट लिस्टमध्ये त्यांचे नाव सामिल होत नाही तोपर्यंत सिनेमा रिलीज होऊ देऊ नकाअशी मागणी अपर्णा यांनी केली.