कोरोनाला हरवण्यात पिंपरी-चिंचवडकरांना यश, बाधितांची संख्या नियंत्रणात
पिंपरी / महाईन्यूज
पिंपरी-चिंचवड शहरात आज सोमवारी (दि. २६) १२४ जणांना कोरोनाची बाधा झाली आहे. पिंपरी चिंचवड हद्दीतील आणि हद्दीबाहेरील अशा ५ जणांचा कोरोनामुळे मृत्यू झाला आहे. तर, आज १९१ जणांना डिस्चार्ज देण्यात आला आहे.
आज पिंपरी चिंचवड हद्दीमधील मृत झालेला एक पुरुष रुग्ण हा चिखली (६५ वर्षे), ०१ स्त्री रावेत (६८ वर्षे) येथील रहिवासी आहेत. पिंपरी चिंचवड हद्दीबहेरील रहीवाशी परंतु पिंपरी चिंचवड हद्दीमधील रुग्णालयात मृत झालेले ०२ पुरुष रुग्ण हे मुळशी (४९ वर्षे), जुन्नर (५७ वर्षे) ०१ स्त्री खेड (७० वर्षे) येथील रहिवासी आहेत. माझे कुटुंब माझी जबाबदारी सर्वेक्षण मोहिम (दुसरा टप्पा) अंतर्गत आज अखेर १३१४ पथकांद्वारे २०४८९८५ लोकसंख्येचे सर्वेक्षण करण्यात आले असून त्यामध्ये ४९६६ व्यक्तींच्या घशातील नमुन्यांची तपासणी केली असता १७० व्यक्ती कोविड पॉझिटीव्ह आढळून आलेल्या आहेत.
पिं. चिं. शहरातील सक्रीय रुग्णांची संख्या ८६९२४ वर पोहोचली आहे. शहरातील कोरोनामुक्त रुग्णांची संख्या ८३२०९ वर पोहोचली आहे. आजपर्यंत शहरातील कोरोनामुळे १५११ जणांचा मृत्यू झालेला आहे. पालिकेने शहरातील कोरोनाने प्रभावित झालेल्या व मुक्त झालेल्या रुग्णांच्या परिसराची माहिती दिलेली नाही. पावसाळा असल्यामुळे वैद्यकिय विभाग, पिं.चिं. म. न. पा. मार्फत सर्व नागरिकांना आवाहन करण्यात येते की, अत्यावश्यक कारणाशिवाय घराच्या बाहेर पडू नये. तसेच पावसाच्या पाण्यामुळे मास्क ओला होणार नाही याची काळजी व दक्षता यावी. यासाठी किमान एक तरी अतिरिक्त मास्क जवळ बाळगावा.
