- श्रीलंकेची राजधानी कोलंबोपासून 30 कि.मी. अंतरावर असलेल्या पानादुरा शहरात हा अपघात घडला
श्रीलंकेचा यष्टीरक्षक फलंदाज कुसल मेंडिसने रविवारी सकाळी सायकलवर जाणाऱ्या 64 वर्षीय वृद्धाला कारने उडवले. या धडकेत वृद्धाचा जागीच मृत्यू झाला. हिट अ‍ॅंड रन प्रकरणी पोलिसांनी मेंडिसला अटक केली आहे. राजधानी कोलंबोपासून 30 किमी दूर पानादुरा शहरात हा अपघात घडला. पोलिस प्रवक्ता आणि एसएसपी जलिया सेनारत्ने या वृत्ताची पुष्टी केली आहे. मेंडिसला अटक करण्यात आली असून रुग्णालयात तपासणी केल्यानंतर त्याला कोर्टात हजर केले जाणार असल्याचे त्यांनी सांगितले.
