नवी दिल्ली : आयपीएलच्या 13 व्या सीजनला केंद्र सरकारकडून औपचारिक मंजुरी मिळाली आहे. आयपीएलचं आयोजन युएईमध्ये करण्यासाठी केंद्रीय गृहमंत्रालयाकडून बीसीसीआयला परवानगी मिळाली आहे. आयपीएल गव्हर्निंग काउन्सिलचे अध्यक्ष ब्रिजेश पटेल यांनी याबाबत आज माहिती दिली. आयपीएलचं आयोजन 19 सप्टेंबर ते 10 नोव्हेंबर या काळात यूएईमध्ये होणार आहे. शारजाह, अबूधाबी, दुबई या शहरांमध्ये सामने खेळवले जाणार आहेत.
बीसीसीआयच्या एका अधिकाऱ्याने सांगितलं की, एखादी स्पर्धा देशाबाहेर आयोजित करायची असल्यास गृहमंत्रालय, क्रीडा मंत्रालय व अन्य संबंधित सरकारी यंत्रणांची परवानगी लागते. यामध्ये सर्व परवानग्या बीसीसीआयने घेतल्या होत्या केवळ गृह मंत्रालयाच्या परवानगी मिळणे बाकी होते. गृह मंत्रालयाचीही परवानगी मिळाल्याने आयपीएल स्पर्धा यूएईमध्ये खेळवण्याचा मार्ग मोकळा झाला आहे.
यूएईला रवाना होण्याच्या 24 तास आधी किंबहुना ज्यादातर फ्रॅन्चाईजी 20 ऑगस्टला आरटी-पीसीआर कोरोना टेस्ट करून घेणार आहेत. त्यानंतर सर्वजण यूएईसाठी रवाना होणार आहेत. चेन्नई सुपरकिंग्सने यूएईला रवाना होण्याआधीच भारतात ट्रेनिंग सुरु करण्याची परवानगी मिळाली आहे. तामिळनाडू सरकारने त्यांनी ही परवानगी दिली आहे. त्यामुळे चेन्नई सुपरकिंग्सची ट्रेनिंग 15 ऑगस्टपासून सुरु होणार आहे.
इंडियन प्रीमियर लीगमधील 13वा सीझन 53 दिवस चालणार आहे. यादरम्यान 60 सामने खेळवण्यात येणार आहेत. संपूर्ण टुर्नामेंटच्या फॉरमॅटमध्ये कोणताही बदलाव करण्यात येणार नाही. 13व्या सीझनमध्ये 10 डबल हॅडर सामने खेळवले जाणार आहेत. सामन्याची सुरुवात भारतीय वेळेनुसार 7 वाजून 30 मिनिटांनी होणार आहे. तर डबल हॅडर सामन्यांच्या दिवशी सामना 3 वाजून 30 मिनिटांनी सुरु करण्यात येणार आहे.
