मुंबई: राज्यपालांच्या निमंत्रणानंतर आता अखेर शिवसेनेकडून आदित्य ठाकरे आणि विधीमंडळ गटनेते एकनाथ शिंदे हे राजभवन इथं जाणार आहेत. यावेळी शिवसेनेकडून सत्ता स्थापनेचा दावा करण्यात येणार असल्याची माहिती आहे. शिवसेना ही काँग्रेस, राष्ट्रवादी आणि अपक्ष यांच्या मदतीने सरकार स्थापनेचा दावा करणार असल्याची प्राथमिक माहिती आहे.
आदित्य ठाकरे आणि एकनाथ शिंदे हे जरी सत्तास्थापनेच्या दाव्यासाठी राज्यपालांची भेट घेण्याच्या तयारीत असले तरीही काँग्रेसचा अंतिम निर्णय अद्याप आलेला नाही. बहुमताचा जादुई आकडा शिवसेना कसा गाठणार, हा प्रश्न कायम आहे. त्यामुळे काँग्रेसच्या भूमिकेकडे राजकीय वर्तुळाचं लक्ष लागलं आहे.
