नरेंद्र मोदींना कुटूंब काय असते? ते माहित नाही – शरद पवार
पुणे – लोकसभा निवडणुकांची रणधुमाळी सुरू झाली आहे. दिग्गजांच्या प्रचारसभा सुरु आसून राजकारण चांगलेच ढवळून निघाले आहे. या पार्श्वभूमीवर राजकीय पक्ष एकमेकांवर वार-पलटवार करत आहेत. पंतप्रधान नरेंद्र मोदी यांनी पवार कुटुंबाला लक्ष्य केल्यानंतर त्यांना कुटुंब काय असते? ते समजणार नाही असे म्हणत शरद पवार यांनी मोदींवर टीका केली आहे. राष्ट्रवादी काँग्रेसचे सर्वेसर्वा शरद पवार यांच्या अध्यक्षतेखाली पुण्यात मेळावा घेण्यात आला. त्यावेळी ते बोलत होते.
मोदींना घरचा किंवा कुटुंबाचा काही अनुभव नसूून ते कुंटुबावर टीका करतात. ज्या मोदींना घरचा किंवा कुटुंबाचा अनुभव नाही ते आम्हाला लक्ष्य करत आहेत. आम्हा सगळ्यांवर वेगळे संस्कार झाले आहेत. त्यांना कुटुंब काय असते? ते माहित नाही असे म्हणत राष्ट्रवादी काँग्रेसचे शरद पवार यांनी मोदींवर टीका सडकून टीका केेली. सत्ताधारी भाजपने शेतकर्यांना वार्यावर सोडले आहे. त्याच्यामुळेच शेतकरी उद्धवस्त झाला आहे. हे सत्ताधारी शेतकर्यांच्या मुलाना लावरिस म्हणत आहेत. ह्यांना संवेदना राहील्या नसून ही बेताल अशी वक्तव्य करीत आहेत. विरोधकाकडे काही सांगण्यासारखे नसून त्यांच्याकडे केवळ फक्त पैसे आहेत असाही आरोप शरद पवार यांनी केला.