‘या’ कंपनीनं घेतला महिला कर्मचाऱ्यांसाठी एक महत्त्वाचा निर्णय; मासिक पाळी दरम्यान महिलांना रजा देण्याचा निर्णय
Zomato कंपनीनं महिला कर्मचाऱ्यांसाठी एक महत्त्वाचा आणि मोठा निर्णय घेतला आहे. मासिक पाळीच्या काळात महिलांना बऱ्याच अडचणींचा सामना करावा लागतो. शारीरिक आणि मानसिक अशा दोन्ही प्रकारे महिलांवर या काळात परिणाम होत असतात. किंबहुना या काळाच महिलांना काही चढ- उतारांनाही सामोरं जावं लागतं. अशाच या काळात महिलांनी खरंतर आराम करणं अपेक्षित असतं, पण काही कारणास्तव म्हणा किंवा नाईलाजानं ते शक्य होत नाही. किंवा जॉबवर जाणाऱ्या महिलांना दर महिन्याला 2,3 दिवस सुट्टी घेण शक्य नसत. किंवा अद्याप तरी मासिक पाळीच्या दिवसांमध्ये पेड लिव्ह घेण्याची परवानगी कोणत्याही ऑफिसमध्ये देण्यात येच नाही त्यामुळे महिलांना तशा परिस्थितीतही ऑफिसला यावच लागत.
मात्र त्यावर मार्ग काढत Zomato या प्रसिद्ध भारतीय कंपनीनं मासिक पाळीच्या काळात त्यांच्यासाठी काम करणाऱ्या महिला कर्मचाऱ्यांना वर्षभरात दहा सुट्ट्या देण्याचा निर्णय घेण्यात आला आहे. Zomato कंपनीनं हा निर्णय घेतला आहे.
भारतामध्ये मासिक पाळीबाबत असणारे न्यूनगंड आणि एकंदरच परिस्थिती पाहता कंपनी या निर्णयावर पोहोचल्याचं म्हटलं जात आहे. ‘मासिक पाळीदरम्यान सुट्टी मागण्यास कोणताही संकोचलेपणा किंवा लाज नसली पाहिजे’, असं झोमॅटोचे मुख्य कार्यकारी अधिकारी दीपिंदर गोयल म्हणाल्याचं कर्मचाऱ्यांना पाठवण्यात आलेल्या मेलमध्ये नमूद करण्यात आलं होतं. महिलांनी मासिक पाळीसाठी सुट्टी घेतल्याचं अंतर्गत विभागांमध्ये काम करणाऱ्यांना सांगण्यात हरकत नसल्याचं मत त्यांनी येथे मांडलं होतं.
जवळपास ५ हजार कर्मचाऱ्यांच्या बळारव Zomato कडे देशातील लोकप्रिय कंपनी म्हणूनही पाहिलं जातं. कर्मचाऱ्यांना पुरवल्या जाणाऱ्या सेवेसाठी या कंपनीची विशेष ओळख आहे. त्यांच्या या निर्णयाविषयी म्हणावं तर, सर्वच स्तरांतून त्याबद्दल चर्चा सुरु असून, निर्णय़ाचं स्वागत होत आहे. शिवाय इतर कंपन्यांनीही असा निर्णय़ घ्यावा अशी मागणी काही स्तरांतून केली जात आहे.
