पुणे | इंधन वितरणातील आघाडीचे स्टार्टअप, द फ्युएल डिलिव्हरीने आज पुणे येथे आपली वितरण सेवा सुरू केली. मुंबई, दिल्ली एनसीआर आणि बंगळुरूनंतर पुणे हे स्टार्ट-अपची सेवा सुरु होणारे चौथे शहर आहे. पायाभूत सुविधा विकास क्षेत्र, आदरातिथ्य आणि आरोग्यसेवा, कॉर्पोरेट कार्यालये आणि आयटी पार्क, उत्पादन आणि उद्योग, शैक्षणिक संस्था, शॉपिंग मॉल्स, गोदामे, शेती आणि खाण यंत्रे यासह विविध क्षेत्रांना उच्च दर्जाचे डिझेल पुरवणे हे ‘द फ्युएल डिलिव्हरी’चे उद्दिष्ट आहे, शेवटी पुणे तिथे काय उणे!याप्रसंगी बोलताना, द फ्युएल डिलिव्हरीचे संस्थापक आणि सीईओ रक्षित माथूर म्हणाले की, पुण्यात सेवा सुरु करताना आम्हाला आनंद होत आहे. अनेक उत्पादन सुविधांच्या उपस्थितीमुळे इंधनाच्या मागणीत प्रचंड वाढ झाल्यामुळे आमच्यासाठी ही एक महत्त्वाची बाजारपेठ आहे. मुंबईनंतर महाराष्ट्रातील ही आमची दुसरी बाजारपेठ आहे. जिथे आम्ही या वर्षाच्या सुरुवातीला आमचे कामकाज सुरू केले.
तुमच्या दारात उच्च दर्जाचे डिझेल पुरवण्यासाठी आम्ही वचनबद्ध आहोत. ज्यामुळे सध्याच्या कोविडच्या परिस्थितीच्या पार्श्वभूमीवर योग्य परिस्थिती राखणे महत्त्वपूर्ण ठरेल. अॅप-आधारित इंधन सेगमेंटमुळे ‘FuelEnt’ (इंधन उद्योजक) रोजगाराच्या नवीन संधी निर्माण होतील आणि ग्राहकांच्या सोयीनुसार अनुभव प्रदान करेल. आमच्या वाढीच्या रणनीतीचा एक भाग म्हणून आम्ही संपूर्ण भारतात आमची उपस्थिती वाढवण्याची योजना आखत आहोत, असे माथूर म्हणाले.
स्थापनेपासून, द फ्युएल डिलिव्हरीने रिअल इस्टेट, हॉस्पिटॅलिटी, रिटेल, लॉजिस्टिक आणि वेअरहाऊसिंग, कृषी इत्यादी उद्योगांमध्ये 2 मिलियन लिटरपेक्षा जास्त डिझेल वितरित केले आहे. सध्या कंपनीतर्फे इंधन वितरण विभागातील 128 ग्राहकांना सेवा पुरवते. ज्यांची संख्या या आर्थिक वर्षात 200 पर्यंत पोहोचण्याची अपेक्षा आहे. स्टार्टअपने सुमारे 1 दशलक्ष अमेरिकन डॉलर निधी उभारला असून पुढील कालावधीत सीरिज फंडिंगद्वारे ते किमान 5 दशलक्ष डॉलर सुरक्षित ठेवण्याचे कंपनीचे उद्दिष्ट आहे.
कंपनीची पुढील 12 ते 18 महिन्यांत जयपूर, चंदीगड, लखनौ, जयपूर, चेन्नई आणि कोलकाता यासारख्या प्रमुख बाजारपेठांमध्ये टप्प्याटप्प्याने इंधन वितरणाचा विस्तार करण्याची योजना आहे. दरम्यान, कंपनीला “इंडियन अचिव्हर्स अवॉर्ड फॉर प्रॉमिसिंग स्टार्ट-अप, 2021 ने सन्मानित करण्यात आले आणि श्री रक्षित माथूर यांना अलीकडेच भारत ज्योती पुरस्काराने सुद्धा सन्मानित करण्यात आले आहे.
या सुविधेत मोबाइल अॅप विकसित आणि तैनात करण्यासाठी कंपनी IoT (इंटरनेट ऑफ थिंग्ज) चा फायदा घेते. सर्व डिलिव्हरी वाहने आयओटी सोल्यूशनसह सक्षम आहेत. जी रीअल-टाइम मॉनिटरिंग आणि ट्रॅकिंग, अखंड लॉजिस्टिक व्यवस्थापन आणि ऑर्डर पूर्ण करण्याची वेळ कमी करण्यास प्राधान्य देते.
द फ्युएल डिलिव्हरी बद्दल –
द फ्युएल डिलिव्हरी (TFD) हा इंधनाची गरज कार्यक्षमतेने, किफायतशीरपणे आणि सर्वात महत्त्वाचे म्हणजे सुरक्षितपणे व्यवस्थापित करण्याच्या समस्येचे निराकरण करण्याचा प्रयत्न आहे. पेट्रोलियम आणि नैसर्गिक वायू मंत्रालयाने (MoPNG) विहित केलेल्या आणि PESO (पेट्रोलियम आणि स्फोटक सुरक्षा संस्था) द्वारे परवाना दिलेल्या पद्धतीने आम्ही डिझेल वितरीत करतो.
अॅपच्या मदतीने, वापरकर्ते वितरण होईपर्यंत ऑर्डर व्यवस्थापित आणि ट्रॅक करण्यास सक्षम आहेत. यामध्ये अॅप ग्राहकाच्या वापराचा मागोवा घेतो, आवश्यकतेचे निरीक्षण करण्यासाठी आणि तणावमुक्त राहण्यासाठी अंतिम वापरकर्त्याला वेळेवर आणि त्रासाशिवाय सूचना देते.
ग्राहकांसाठी ते आणखी सुलभ करण्यासाठी टँकर मॉनिटरिंग सिस्टम स्वयंचलित TFD कमांड अँड कंट्रोल सेंटरला ऑटो अलर्ट तयार करते आणि सेवा प्रदान करते. पुन्हा इंधन भरण्यासाठी ट्रक ग्राहकांना सूचनेसह पाठविला जातो.
अधिक माहितीसाठी, या अधिकृत वेबसाईटवर भेट द्या – https://www.thefueldelivery.com
