महिला पोलीस जखमी झाल्याने पळ काढणारे संदीप देशपांडे अडचणीत; गुन्हा दाखल होणार?
![Sandeep Deshpande, who fled after being injured by a female police officer, is in trouble; Will the crime be filed?](https://mahaenews.com/wp-content/uploads/2022/05/sandip-deshapaande.jpg)
मुंबई : मुंबई पोलिसांकडून ताब्यात घेतलं जात असताना पळ काढणारे मनसेचे सरचिटणीस आणि प्रवक्ते संदीप देशपांडे हे अडचणीत सापडले आहेत. कारण या प्रकरणात पोलिसांकडूनदेशपांडे यांच्यावर सरकारी कामात अडथळा आणल्याचा गुन्हा दाखल करण्यात येऊ शकतो, अशी माहिती समोर येत आहे.
मशिदीवरील भोंगे हटवण्याची मागणी करत राज्यभरात मनसे कार्यकर्त्यांकडून मशिदीसमोर हनुमान चालिसा लावण्याचा प्रयत्न केला जात आहे. तसंच मुंबईत काही नेत्यांकडून आक्रमक वक्तव्यही केलं जात आहे. या पार्श्वभूमीवर पोलिसांकडून संदीप देशपांडे यांना ताब्यात घेण्याचा प्रयत्न करण्यात आला. मात्र यावेळी देशपांडे यांनी घटनास्थळावरून पोबारा केला. तसंच देशपांडे यांच्या गाडीचा धक्का लागून एक महिला पोलीस कर्मचारी रस्त्यावर पडली. या घटनेत सदर महिला कर्मचारी जखमी झाल्याचंही सांगतिलं जात आहे.
पोलीस येताच संदीप देशपांडेंनी काढला पळ, ताब्यात घेताना महिला कॉन्स्टेबलला दुखापत
दरम्यान, या प्रकरणी सीसीटीव्ही फुटेज तपासून पोलीस संदीप देशपांडे यांच्यावर गुन्हा दाखल करतील, असे समजते. त्यामुळे पोलिसांकडून पुढील काही तासांत देशपांडे यांच्यावर खरंच कारवाई केली जाते का, हे पाहावं लागेल.