मुंबई : भारताचा वेगवान गोलंदाज जसप्रीत बुमराला काही दिवसांपूर्वी दुखापत झाली होती. बांगलादेशविरुद्ध जेव्हा भारताचा संघ निवडण्यात आला तेव्हा त्याचे पुनरागमन होईल, असे वाटत होते. पण या संघात मात्र त्याला स्थान देण्यात आले नाही. त्यानंतर सध्याच्या घडीला बुमराबद्दल अपडेट आले आहेत. त्यानुसार बुमरा लवकरच मैदानात परतणार असल्याचे म्हटले जात आहे.
आयपीएलमध्ये बुमराला दुखापत झाली होती. त्यानंतर तो विश्वचचषकात खेळला. पण वेस्ट इंडिज दौऱ्यात त्याला पुन्हा एकदा दुखापत झाली. ही दुखापत गंभीर असल्याचे म्हटले गेले होते. हार्दिक पंड्याला आशिया चषकाच्यावेळी दुखापत झाली होती. त्यानंतर विश्वचषकात तो खेळला पण त्यानंतर पुन्हा एकदा त्याला दुखापतीने ग्रासले. पण या दोघांची दुखापत गंभीर स्वरुपाची असल्याचे कळते. कारण या वर्षात हे दोघे एकही सामना खेळणार नसल्याचे बीसीसीआयने स्पष्ट केले आहे.
दिवाळीनंतर जसप्रीत बुमराच्या दुखापतीबाबत अपडेट घेण्यात आले. या अपडेटनुसार बुमराच्या दुखापतीमध्ये सुधारणा होत आहे. या अपडेटनुसार बुमरा पुढील वर्षी ऑस्ट्रेलियाबरोबर होणाऱ्या मालिकेमध्ये तो पुनरागमन करणार असल्याचे समजत आहे.
