ऐतिहासिक पन्हाळगडाचे पावित्र्य सध्या धोक्यात; पन्हाळगडावर पर्यटकांची दारु पार्टी, हजारो शिवप्रेमी भडकले; कठोर कारवाईसाठी आक्रमक

शिवप्रेमींकडून पार्टी करणाऱ्यांवर कारवाई करण्याची मागणी करण्यात आलेली आहे. त्यासोबत दुसऱ्या बाजूला येथील झुणका भाकर केंद्राकडून या पार्ट्यांसाठी विशेष ट्रीटमेंट दिले जात असल्याचेही व्हिडिओ मधून दिसत आहे. त्यामुळे या झुणका भाकर केंद्रांवर देखील कारवाई करावी अशी मागणी शिवप्रेमी करत आहेत.

छत्रपती शिवाजी महाराजांचा ऐतिहासिक वारसा असलेल्या पन्हाळागडाचं पावित्र्य धोक्यात आले आहे. छत्रपती शिवाजी महाराजांच्या या गडकोट किल्ल्यांचे पुरातत्व विभागाकडून संवर्धन तर होत नसल्याचं चित्र आहे. मात्र आता या गडावर अनधिकृतपणे सर्रास ओल्या पार्ट्या होताना पाहायला मिळत आहे.

स्वराज्य निर्माण करण्यासाठी छत्रपती शिवाजी महाराज आणि त्यांच्या मावळ्यांनी आपले रक्त सांडून पवित्र केलेले या जमिनीवरच बसून पर्यटक दारू पार्टी करत आहेत आणि यांना साथ देखील गडावरील झुणका भाकर केंद्र चालक देत आहेत. यामुळे आता या झुणका भाकर केंद्रावर आणि पर्यटकांवर पोलिसांनी कारवाई करावी अशी मागणी शिवप्रेमी करत आहेत.

पन्हाळगडावरील पुरातत्त्व विभाग या गडाकडे लक्ष देत असल्याचा आरोपी शिवभक्तांनी केला आहे. तसेच या पुरातत्त्व विभागाच्या दुर्लक्षामुळे गेल्या काही दिवसांपूर्वीच पन्हाळगडावरील एक बुरुज कोसळला आहे. यामुळे आता या गडकोट किल्ल्यांचे संवर्धन आणि पावित्र्य चा मुद्दा पुन्हा ऐरणीवर आला आहे. यामुळे आज हजारो शिवप्रेमी हे पन्हाळगडावर जमले असून या सर्व प्रकाराचा येथे निषेध व्यक्त करण्यात येत आहे तसेच गडकोट किल्ले संवर्धनासाठी महामंडळ स्थापन करण्याची मागणी शिवप्रेमींकडून होत आहे.