पंतप्रधान मोदींकडून वंदे भारत आणि अमृत भारत एक्सप्रेसला हिरवा झेंडा
Narendra Modi : अयोध्येत राम लल्लाच्या अभिषेक सोहळ्याची तयारी जोरात सुरू आहे. पंतप्रधान नरेंद्र मोदी अयोध्येला पोहोचले असून आज ते अयोध्येला मोठी भेट देणार आहेत. महर्षि वाल्मिकी आंतरराष्ट्रीय विमानतळ आणि पुनर्विकसित अयोध्या धाम रेल्वे स्टेशनच्या नव्याने बांधलेल्या इमारतीचे उद्घाटनही पंतप्रधान मोदी करणार आहेत. पंतप्रधान मोदी यांनी अयोध्येत ६ वंदे भारत आणि २ अमृत भारत ट्रेनला हिरवा झेंडा दाखवला.
#WATCH | Ayodhya, Uttar Pradesh: PM Narendra Modi flags off two new Amrit Bharat trains and six new Vande Bharat Trains. pic.twitter.com/Q1aDQc8wG7
— ANI (@ANI) December 30, 2023
हेही वाचा – खासदार अमोल कोल्हेंचा मुख्यमंत्री शिंदेंना टोला; नरेंद्र मोदींचाही उल्लेख!
कडक बंदोबस्तासाठी प्रशासनाने रस्त्याच्या दुतर्फा बॅरिकेड्स लावले आहेत. पंतप्रधानांच्या आगमनामुळे राष्ट्रीय महामार्गावरील वाहतूक पूर्णपणे बंद करण्यात आली असून, अयोध्या धाममध्ये फिरण्यासही बंदी घालण्यात आली आहे. अयोध्येत आज पंतप्रधान १५,७०० कोटी रुपयांच्या ४६ विकास प्रकल्पांचे उद्घाटन करतील आणि केवळ अयोध्या आणि त्याच्या आसपासच्या भागांसाठी ११,१०० कोटी रुपयांचे प्रकल्प भेट देतील.
यानंतर पीएम मोदी महर्षि वाल्मिकी आंतरराष्ट्रीय विमानतळावरून १६ किलोमीटरचा रोड शो देखील करतील, ज्या दरम्यान संत समाजासह वैदिक ब्राह्मण वैदिक मंत्रांच्या उच्चारात पुष्पवृष्टी करतील.
