बो-हाडेवाडीतील प्रिन्सविले बांधकाम कामगारांच्या कॅम्पमध्ये डेंग्यू सद्श्य आळ्या
![](https://mahaenews.com/wp-content/uploads/2019/11/८८८.jpg)
आरोग्य विभागाकडून दंडात्मक कारवाई, डेंग्यू सद्श्य आळ्यावर औषध फवारणी
पिंपरी |महाईन्यूज|
मोशीच्या बो-हाडेवाडी येथील प्रिन्सविले बांधकाम व्यावसायिकांच्या कामगार कॅम्प परिसरात डेंग्यू सद्श्य आळ्या आढळून आल्या आहेत. त्यावर क क्षेत्रीय कार्यालयाच्या आरोग्य विभागाने दंडात्मक कारवाई करण्यात आलेली आहे.
डेंग्यू डास उत्पत्तीच्या ठिकाणांची तपासणी पिंपरी चिंचवड महानगरपालिकेच्या आरोग्य विभागाकडून करण्यात येत असून क क्षेत्रीय कार्यालयाच्या आरोग्य विभागाच्या पथकाने केलेल्या पाहणीत मोशी बो-हाडेवाडी येथील प्रिन्सविले या बांधकाम व्यावसायिकाच्या लेबर कॅम्प परिसरात डेंग्यू सदृश्य आळ्या निदर्शनास आल्याने त्यावर आवश्यक फवारणी करण्यात आली व पंचवीस हजार रुपये दंडाची कारवाई करण्यात आली.
डेंग्यू डास उत्पत्तीच्या ठिकाणी फवारणी व आवश्यक उपाययोजना करण्याच्या सूचना आयुक्त श्रावण हर्डीकर व आरोग्य वैद्यकीय अधिकारी डॉ. अनिल रॉय यांनी दिल्या आहेत. मंगळवार, दि. १२ नोव्हेंबर रोजी क्षेत्रीय अधिकारी अण्णा बोदडे, सहाय्यक आरोग्य अधिकारी बी.बी.कांबळे, मुख्य आरोग्य निरीक्षक आर.एम. भोसले, आरोग्य निरीक्षक व्ही.के. दवाळे, राजेंद्र उज्जैनवाल, वैभव कांचन गौडार, सचिन जाधव, संपत भोईटे यांच्या पथकामार्फत कारवाई करण्यात आली.
डास नियंत्रण, जनजागृती मोहिम हाती घेण्यात आली आहे. लेबर कॅम्प अथवा बांधकामाच्या ठिकाणी पेस्ट कंट्रोल करून घेणे आवश्यक आहे, असे आवाहन करणेत आले आहे.