जिजाई प्रतिष्ठानच्या वतीने सोमवारी कर्तृत्ववान महिलांचा सन्मान
पिंपरी, (महा-ई-न्यूज) – माता-भगिनींचे सामाजिक दायित्व स्वीकारून वेगवेगळ्या क्षेत्रात कौतुकास्पद कार्य करणाऱ्या महिलांच्या कार्याचा सन्मान जिजाई प्रतिष्ठानच्या वतीने ‘भरारी पुरस्कार’ देऊन करण्यात येणार आहे.
हा पुरस्कार प्रदान कार्यक्रम सोमवारी (दि. २१) दुपारी १ वाजता चिंचवडमधील प्रा. रामकृष्ण मोरे प्रेक्षागृहात होणार आहे, अशी माहिती जिजाई प्रतिष्ठानच्या संस्थापिका व स्थायी समितीच्या माजी अध्यक्षा सीमा सावळे यांनी दिली.
या कार्यक्रमास पिंपरी-चिंचवड भाजपचे शहराध्यक्ष तथा चिंचवडचे आमदार लक्ष्मण जगताप, भोसरीचे आमदार महेश लांडगे, पिंपरी-चिंचवड नवनगर प्राधिकारणाचे अध्यक्ष सदाशिव खाडे, लोकलेखा समितीचे अध्यक्ष अॅड.सचिन पटवर्धन, पिंपरी-चिंचवड शहर भाजपचे सरचिटणीस सारंग कामतेकर, भाजपच्या प्रांतिक पदाधिकारी उमा खापरे, नगरसेविका आशा धायगुडे-शेंडगे, माजी नगरसेविका गीता आफळे, अश्विनी जगताप आदी उपस्थित राहणार आहेत.
यावेळी ऊर्मिला पाटील (स्कूल बस चालक), मुन्नी पांडे ( कष्टकरी महिला कामगार), सारीका पवार (पापड केंद्र व्यावसायिका), मीना मस्के (शिक्षिका), उल्का कुटे (गृहिणी), निलीमा पाचपोर (शिक्षिका), इशा मुंशी (ब्युटी पार्लर व्यावसायिका) , सुजाता भोईटे (चपाती केंद्र व्यावसायिका), शारदा रिकामे (योग प्रशिक्षिका) यांचा ‘भरारी’ पुरस्कार देऊन सन्मान करण्यात येणार आहे.
