परभणी पुन्हा हादरले! त्याने तिला असे काही सांगितले की तिने विश्वास ठेवला, ३ ठिकाणी अत्याचार
परभणी : परभणी शहरातील मोची गल्ली येथे एका चार वर्षीय मुलीवर घरी कोणी नसताना चुलत भावाने अत्याचार केल्याची घटना ताजी असतानाच आज परभणी पुन्हा एकदा अत्याचाराच्या घटनेने हादरले आहे. येथे एका अल्पवयीन मुलीला लग्नाचे आमिष दाखवून तिच्यावर अनेकदा अत्याचार केल्याची घटना उघड झाली आहे. या अल्पवयीन मुलीवर नराधमाने परभणी आणि कोल्हापूर येथे अत्याचार केले. याप्रकरणी नानलपेठ पोलीस ठाण्यामध्ये आरोपीच्या विरोधात गुन्हा दाखल करण्यात आला आहे. शिवाजी सूर्यवंशी असे अत्याचार करणाऱ्या नराधम आरोपीचे नाव आहे. या घटनेचा अधिक तपास पोलीस करत आहेत.
आरोपी शिवाजी सूर्यवंशी यांनी अल्पवयीन मुलीला लग्नाचे आमिष दाखवून २० जुलै ते ५ ऑगस्ट दरम्यान परभणी जिल्ह्यातील शिंगणापूर आणि लोहगाव येथे नेऊन अत्याचार केला. याबरोबरच अल्पवयीन मुलीला लग्नाबाबत खोटे बोलून कोल्हापूर येथे घेऊन जाऊन त्या ठिकाणी देखील नराधम आरोपीने मुलीवर अत्याचार केला. मुलीने लग्नाबाबत विचारणा केली असता आरोपीने उडवाउडवीची उत्तरे दिली. मुलीला आपली फसवणूक झाल्याचे लक्षात आल्यानंतर मुलीने पोलीस ठाणे गाठून आरोप विरोधात गुन्हा दाखल केला आहे.
या धक्कादायक घटनेचा अधिक तपास सहाय्य पोलीस निरीक्षक बळवंत जमादार हे करत आहेत. आरोपीला पोलीसांनी ताब्यात घेतले असल्याचे सांगण्यात आले आहे.
दोन दिवसातील दुसरी घटना
परभणी शहरातील मोची गल्ली येथे एका चार वर्षेच्या मुलीवर घरी कोणी नसताना चुलत भावाने अत्याचार केल्याची घटना दोन दिवसापूर्वी घडली होती. त्यानंतर आता अल्पवयीन मुलीला लग्नाच्या आमिष दाखवून दोन जिल्ह्यांमध्ये नेऊन अत्याचार करण्यात आला असल्याची घटना समोर आली आहे. त्यामुळे परभणी मध्ये महिलांच्या सुरक्षेचा प्रश्न ऐरणीवर आला आहे.
