आता पावसाळ्यात लोकलचा खोळंबा झाल्यास रेल्वेकडून कळणार लाइव्ह माहिती; रेल्वेने लाँच केले ‘हे’ ॲप

उपनगरी लोकल गाड्या वेळापत्रक आणि लाइव्ह लोकेशन जाणून घेण्यासाठी मध्य रेल्वेच्या मुंबई विभागाकडून दोन वर्षांपूर्वी यात्री अॅप विकसित करण्यात आले होते. या अॅपवर फक्त मध्य रेल्वे, हार्बर रेल्वे, ट्रान्स हार्बर आणि पश्चिम रेल्वेचे वेळापत्रक दिसत होते. लोकल गाड्यांच्या रिअल टाईम ट्रॅकिंग सुविधा सुरु झाली नव्हती.

बुधवारी ही सुविधा यात देण्यात आली. मध्य रेल्वेच्या सर्व लोकल ट्रेनमध्ये जीपीएस डिव्हाइस बसविण्यात आले आहे. मार्च २०२२ मध्ये बेलापूर-खारकोपर विभागात लोकल ट्रेनमधील लावलेल्या जीपीएस डिव्हाइस चाचणी यशस्वीरित्या पूर्ण झाली होती. यात्री अॅपचे प्रात्यक्षिक करून बघणार असल्याची माहिती मध्य रेल्वेच्या वरिष्ठ अधिकाऱ्यांनी दिली आहेत.

यात्री अॅपचे वैशिष्ट्ये

– लोकल गाड्यांचे रियल टाईम स्टेटस कळणार
– रेल्वे तिकीट, मासिक, त्रैमासिक पास यांचे दरपत्रक.
– स्थानकांवरील सुविधा
– पार्सल सुविधेचा तपशील.
– आपत्कालीन संपर्क क्रमांक.
– रेल्वे स्थानकातील प्रवासी सुविधा.
– मेगाब्लॉकचा तपशील