तीन दहशतवादी मुंबईत घुसले?, फोन कॉल्सने खळबळ, पोलीस अलर्ट मोडवर
मुंबई : दुबईतून तीन दहशतवादी मुंबईत आल्याची माहिती मुंबई पोलीस नियंत्रण कक्षाला एका फोन कॉलद्वारे मिळाली आहे. त्यामुळे पोलीस विभागात खळबळ उडाली आहे. खरं तर, कोणीतरी पोलीस नियंत्रण कक्षात फोन केला आणि सांगितले की 3 दहशतवादी मुंबईत आले आहेत. तिन्ही दहशतवादी दुबईहून मुंबईत आल्याची माहिती या फोन कॉलद्वारे देण्यात आल्याने खळबळ उडाली आहे. शुक्रवारी (7 एप्रिल) सकाळी तीन दहशतवादी दुबईतून मुंबईत घुसले आणि त्यांचे पाकिस्तानशी संबंध असल्याचा दावा कॉलरने केला आहे. मुंबई पोलीस दलाला याबाबत सतर्क करण्यात आले आहे.
मुंबई पोलिसांच्या सूत्रांनी दिलेल्या माहितीनुसार, अज्ञात लोकांनी मुंबई पोलिसांच्या नियंत्रण कक्षाला फोन करून तीन दहशतवादी मुंबईत आल्याची माहिती दिली. शुक्रवारी पहाटे तीन दहशतवादी दुबईहून आले असून ते पाकिस्तानचे असल्याचा दावा कॉलरने केला आहे. फोन करणाऱ्याने एका दहशतवाद्याचे नावही सांगितले आहे. मुजीब सय्यद असे या दहशतवाद्याचे नाव असून फोन करणाऱ्याने त्याचा मोबाईल क्रमांक आणि कार क्रमांकही पोलिसांना दिला आहे.
पोलीस प्रकरणाचा तपास करत आहेत
मिळालेल्या माहितीच्या आधारे पोलिसांनी तपास सुरू केला आहे. पोलिस नियंत्रण कक्षात कॉलरने सांगितले की, दहशतवादी दोन नंबरच्या व्यवसायात काम करत आहेत. राजा ठोंगे नावाच्या व्यक्तीने मुंबई पोलीस नियंत्रण कक्षाला फोन केल्याचे सांगितले जात आहे. याप्रकरणी पोलीस अधिक तपास करत आहेत.
