ITI Admission 2023 : आयटीआय प्रवेश प्रक्रिया ‘या’ तारखेपासून सुरू होणार..
ITI Admission 2023 : राज्यातील औद्योगिक प्रशिक्षण संस्थांमध्ये प्रवेश प्रक्रियेस सोमवार म्हणजेच १२ जून २०२३ पासून सुरूवात होणार आहे. अर्ज स्वीकृती, विकल्प सादर करणे व प्रवेश प्रक्रियेचे अनेक टप्पे इ. प्रक्रियेबाबत समुपदेशन सर्व औद्योगिक प्रशिक्षण संस्थांमध्ये दररोज आयोजित करण्यात येणार ल आहे.
इच्छुक उमेदवारांनी https://admission.dvet.gov.in या संकेतस्थळावर ऑनलाईन पद्धतीने अर्ज सादर करावेत, असे आवाहन व्यवसाय शिक्षण व प्रशिक्षण संचालनालयाच्या संचालकांनी प्रसिद्धीस दिलेल्या पत्रकान्वये कळविले आहे. तसेच औद्योगिक प्रशिक्षण संस्थेत प्रवेश प्रक्रियेसंबंधी व प्रमाणित कार्यपद्धतीची माहितीपुस्तिकाही ऑनलाईन स्वरूपात या संकेतस्थळावर उपलब्ध आहे.
हेही वाचा – Snehal Rai : अभिनेत्री स्नेहल रायच्या कारचा पुण्याच्या दिशेने जाताना अपघात
याशिवाय माहिती पुस्तिकेत नमूद असलेल्या टप्प्याप्रमाणेच प्रवेश प्रक्रिया राबविण्यात येणार असून त्यासंदर्भातील वेळापत्रक तसेच राज्यातील शासकीय व अशासकीय औद्योगिक प्रशिक्षण संस्थांमध्ये उपलब्ध असलेल्या व्यवसाय अभ्यासक्रमांची माहिती व्यवसाय शिक्षण व प्रशिक्षण संचालनालयाच्या संकेतस्थळावर, प्रादेशिक कार्यालय, जिल्हा व्यवसाय शिक्षण व प्रशिक्षण अधिकारी यांचे कार्यालय, सर्व शासकीय, खासगी औद्योगिक प्रशिक्षण संस्थेमध्ये उपलब्ध करून देण्यात आली आहे.
