सोने दहा दिवसांत 2 हजारांनी महागले,सोन्याचा भाव जाणून घ्या.
जीएसटी 3 टक्क्यांहून 1 करण्याची मागणी,तसे झाल्यास दोन्ही धातु खरेदीसाठीचा अतिरिक्त खर्च कमी
महाराष्ट्र : नवीन वर्षात सोने आणि चांदीने जबरदस्त फटकेबाजी केली. या 10 दिवसांचा विचार केला तर सोने आणि चांदीत प्रत्येकी 2 हजारांची जबरदस्त वाढ दिसली. मध्यंतरी ढेपाळल्यानंतर चांदीने पुन्हा भरारी घेतली. या आठवड्याच्या अखेरीस सोन्याने मोठी झेप घेतली. तर चांदीने पण सिक्सर लगावला. दरम्यान गेल्यावर्षी केंद्रीय अर्थसंकल्पात सोने-चांदीवरील आयात शुल्क 15 टक्क्यांहून 6 टक्के करण्याचा निर्णय झाला. त्याचा ग्राहकांना मोठा फायदा झाला. आता जीएसटी 3 टक्क्यांहून 1 करण्याची मागणी होत आहे. तसे झाल्यास दोन्ही धातु खरेदीसाठीचा अतिरिक्त खर्च कमी होईल.
सोने दुडूदुडू धावले
सोने या दहा दिवसांत 2 हजारांनी महागले. आठवड्याच्या सुरुवातीला भाव स्थिर होता. बुधवारी त्यात 100 रुपयांची तर गुरुवारी 380 रुपये, 10 जानेवारीला 270 रुपयांची भर पडली. या तीन दिवसांत सोने 650 रुपयांनी वधारले. गुडरिटर्न्सनुसार, आता 22 कॅरेट सोने 73,000 रुपये प्रति 10 ग्रॅम तर 24 कॅरेट सोन्याचा भाव 79,620 रुपये प्रति 10 ग्रॅम आहे.
गेल्या आठवड्यात चांदी दोन हजारांनी महागली तर एक हजारांनी स्वस्त झाली. या सोमवारी चांदीने एक हजारांची भरारी घेतली. मध्यंतरी ब्रेक घेतल्यानंतर 10 जानेवारी रोजी चांदी 1 हजारांनी महागली. गुडरिटर्न्सनुसार, एक किलो चांदीचा भाव 93,500 रुपये इतका आहे.
14 ते 24 कॅरेटचा भाव काय
आज सकाळच्या सत्रात इंडियन बुलियन्स अँड ज्वेलर्स असोसिएशननुसार 24 कॅरेट सोने 78,018, 23 कॅरेट 77,706, 22 कॅरेट सोने 71,465 रुपयांवर आहे. 18 कॅरेट आता 58,514 रुपये, 14 कॅरेट सोने 45,641 रुपये प्रति 10 ग्रॅमवर आहे. एक किलो चांदीचा भाव 90,268 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
घरबसल्या जाणून घ्या भाव
सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.
