मुसळधार पावसामुळे पिकांचे नुकसान ; सिन्नरमध्ये पुरात अडकलेल्या ३३ जणांची सुटका
नाशिक : सलग दोन दिवस जिल्ह्यातील काही भागांत पावसाने अक्षरश: दाणादाण उडवल्यानंतर शुक्रवारचा दिवस ऑक्टोबर हिटसारखे उन्हाचे चटके देणारा ठरला. एकाच वेळी मुसळधार पाऊस आणि टळटळीत उन्हाचे चटके अशा दुहेरी वातावरणाची सध्या अनुभूती मिळत आहे. आदल्या दिवशी सिन्नर आणि इगतपुरी तालुक्यात ढगफुटीसदृश्य पाऊस झाला.
सिन्नर शहरातील बाजारपेठेत पाणी शिरून काही दुकानांमध्ये ३३ जण अडकून पडले. रात्री उशिरा त्यांची सुखरूप सुटका करण्यात आली. आनंदवल्ली येथे रिक्षा गोदावरीच्या पाण्यात वाहून गेली. सुदैवाने रिक्षातील तिघांनी सुरक्षित स्थळी धाव घेतल्याने ते बचावले. गोदावरी दुथडी भरून वाहात असताना पात्रालगतच्या भागातून एका चालकाने खासगी प्रवासी बस नेण्याचा प्रयत्न केला. यापुढे या बसमध्ये ४० पेक्षा अधिक प्रवासी होते परंतु बस पुढे जाणार नाही हे लक्षात आल्यावर प्रवाशांना उतरवून बस क्रेनच्या साहाय्या ने बाहेर
काढण्यात आले.