breaking-newsताज्या घडामोडीराष्ट्रिय
#Lockdown: रमझानच्या महिन्यात घरातच नमाज पठण करा; शरद पवारांचं आवाहन
“रमझानच्या कालावधीमध्ये घरातच थांबून नमाज पठणं करावं. या कालावधीत सरकारनं कोणतीही सुट दिलेली नाही. सर्वांनी आपल्या घरातच नमाज पठण करावं आणि इफ्तार करावं,” असं आवाहन राष्ट्रवादी काँग्रेसचे सर्वेसर्वा शरद पवार यांनी केलं. आज (मंगळवार) त्यांनी राज्यातील जनतेशी फेसबुकद्वारे संवाद साधला.
“रमझानसाठी आपण आपल्या घरातच नमाज पठाण करू शकता. सरकारकडून रमझानसाठी सुट देण्यात आलेली नाही. अशी परिस्थिती जेव्हा निर्माण होते तेव्हा सहकार्याची आवश्यकता असते. रोजा सोडण्याची जेव्हा वेळ असेल तेव्हा घरातच रोजा सोडा,” असं शरद पवार यावेळी म्हणाले.
