पंतप्रधान नरेंद्र मोदी यांना नामिबियाचा सर्वोच्च नागरी पुरस्कार
‘ऑर्डर ऑफ द मोस्ट एन्शिएंट वेल्वित्शिया मिराबिलिस’ ने गौरवण्यात
राष्ट्रीय : पंतप्रधान नरेंद्र मोदी यांना नामिबियाच्या सर्वोच्च नागरिक सन्मानाने ‘ऑर्डर ऑफ द मोस्ट एन्शिएंट वेल्वित्शिया मिराबिलिस’ ने गौरवण्यात आले आहे. हा पुरस्कार साल १९९५ पासून सुरु झाला आहे. विशिष्ट सेवा आणि नेतृत्व गुणांचा आदर करण्यासाठी नामिबिया राष्ट्रामार्फत हा पुरस्कार दिला जात आहे.
या पुरस्काराचे नाव वेल्वित्शिया मिराबिलिस नावाच्या एका अत्यंत दुर्लभ आणि प्राचीन वाळवंटी झुडुपावर ठेवण्यात आले आहे. हा दुर्मिळ झाड केवळ नामिबियातच आढळते. या झाड संघर्ष, दीर्घायु आणि स्थायित्वाचे प्रतीक मानले जाते आणि हिच भावना या पुरस्काराच्या माध्यमातून झळकली जाते.
हेही वाचा – “पिकलेल्या दाढीचे केस रंगवण्याची वेळ…”; विराटने सांगितले कसोटी निवृत्तीचे कारण
पंतप्रधान नरेंद्र मोदी आणि नामिबियाचे राष्ट्राध्यक्ष डॉ. नेटुम्बो नांदी-नदैतवा यांच्या दरम्यान द्वीपक्षीय वार्तालाप झाला. यात भारत आणि नामिबिया संबंधांवर चर्चा झाली. दोन्ही नेत्यांनी डिजिटल तंत्र, संरक्षण, सुरक्षा, कृषी, आरोग्य, शिक्षण आणि महत्वपूर्ण खनिजे सारख्या क्षेत्रात सहकार्यासंदर्भात विस्ताराने चर्चा केली.
पीएम मोदी यांनी एक्स प्लॅटफॉर्मवर पोस्ट टाकली आहे. त्यात ते म्हणतात की आम्ही व्यापार, ऊर्जा आणि पेट्रोकेमिकल क्षेत्रात परस्पर संबंधांना आणखी मजबूत करण्यावर चर्चा केली आहे. पंतप्रधान नरेंद्र मोदी यांनी ‘प्रोजेक्ट चीता’ मध्ये नामिबियाच्या वतीने मिळालेल्या सहकार्यासाठी विशेष रुपाने आभार व्यक्त केला आहे.
पीएम मोदी ब्राझीलच्या दौऱ्यानंतर नामिबियात पोहचले आहेत. हा २७ वर्षात कोणा भारतीय पंतप्रधानांचा नामिबियातील हा पहिला दौरा आहे. या दौऱ्या दरम्यान पीएम मोदी यांनी राष्ट्राध्यक्ष नेटुम्बो नंदी-नदैतवा यांच्याशी चर्चा केली आहे.
