गँगस्टर गोल्डी बराड़ दहशतवादी घोषित, गृह मंत्रालयाची मोठी कारवाई
नवी दिल्ली : गृह मंत्रालयाने गँगस्टर सतविंदर सिंग उर्फ सतींदरजीत सिंग उर्फ गोल्डी बराड़ याला बेकायदेशीर उपक्रम (प्रतिबंध) कायदा, 1967 अंतर्गत दहशतवादी घोषित केले आहे.
पंजाबमधील मुक्तसर साहिब येथे राहणारा गोल्डी बराड़ २०१७ मध्ये कॅनडाला गेला होता. जून २०२३ मध्ये, गायक आणि रॅपर हनी सिंगने ब्रारवर धमकी दिल्याचा आरोप करत पोलिस तक्रार दाखल केली होती. दिल्ली पोलिसांच्या स्पेशल सेलने या प्रकरणी एफआयआर नोंदवला होता.ब्रार यांच्यावर पंजाबी गायक सिद्धू मूसवाला हत्याकांडातही सहभाग असल्याचा आरोप आहे. तो तुरुंगात बंद गँगस्टर लॉरेन्स बिश्नोईचा खास मित्र मानला जातो.
हेही वाचा – प्रकाश आंबेडकरांचा भाजप आणि राष्ट्रीय स्वयंसेवक संघावर गंभीर आरोप; म्हणाले..
गृह मंत्रालयाने जाहीर केलेल्या नोटीसमध्ये गोल्डी बराड़ प्रतिबंधित खलिस्तानी संघटना बब्बर खालसा इंटरनॅशनलशी संबंधित असल्याचे म्हटले आहे. गोल्डीला सीमेपलीकडून दहशतवाद्यांचे समर्थन असून अनेक हत्यांमध्ये त्याचा हात असल्याचेही यात म्हटले आहे. राष्ट्रवादी नेत्यांना धमक्या देणारे कॉल करणे, खंडणी मागणे आणि सोशल मीडिया प्लॅटफॉर्मवर हत्येचा दावा करणे यात त्याचा सहभाग होता.
