प्रार्थना बेहरेवर दुःखाचा डोंगर कोसळला, अभिनेत्रीच्या भावाचं निधन

मुंबई : प्रार्थना बेहरे ही मराठी कलाविश्वातील लोकप्रिय अभिनेत्री आहे. आजवर तिने अनेक मालिका तसेच चित्रपटांमधून प्रेक्षकांचं मनोरंजन केलं आहे. आपल्या गोड स्वभावामुळे आणि उत्तम अभिनयामुळे प्रार्थनाने नेहमीच चाहत्यांची मनं जिंकली आहेत. प्रार्थना सोशल मीडियावर कमालीची सक्रीय असते आणि तिच्याविषयीचे अपडेट्स ती चाहत्यांना देते. मात्र, प्रार्थना बेहरेवर दुःखाचा डोंगर कोसळला आहे. अभिनेत्रीच्या भावाचं निधन झालं असून सोशल मीडियावर पोस्ट शेअर करत तिने याबाबत माहिती दिली आहे.

प्रार्थना बेहरेची पोस्ट

प्रार्थना बेहरेने भावासोबतचा फोटो शेअर करत लिहिलं आहे की, ‘लव्ह यू पिंटू. तुझी आठवण कायम येत राहील. तू अचानक दूर गेलास. आपण एकमेकांना गुडबायदेखील केलं नाही. पण भाऊ कधीही वेगळे होऊ शकत नाहीत, मौल्यवान आठवणी कधीच मरत नाहीत. तुझ्या आत्म्याला शांती मिळो. पुढच्या आयुष्यात आपण एकमेकांना भेटू. तुझी खूप आठवण येईल.’

प्रार्थना बेहरेचं वर्क फ्रंट

दरम्यान, प्रार्थना बेहरेच्या वर्क फ्रंटबद्दल सांगायचं तर अभिनेत्री शेवटची ‘बाई गं’ या सिनेमात झळकली. या सिनेमामध्ये स्वप्नील जोशी मुख्य भूमिकेत होता. हा सिनेमा बॉक्स ऑफिसवर फारसा चालला नाही. प्रार्थनाने एकता कपूरच्या ‘पवित्र रिश्ता’ या मालिकेतून अभिनयाला सुरुवात केली होती. या मालिकेमध्ये तिने वैशालीची भूमिका साकारलेली. प्रार्थना पहिल्याच मालिकेतून घराघरात पोहोचली आणि लोकप्रिय झाली. या मालिकेनंतर प्रार्थनाने अनेक मराठी सिनेमांमध्ये काम केलं. कॉफी आणि बरंच काही’, ‘मिस्टर अँड मिसेस सदाचारी’, ‘मितवा’, ‘फुगे’, ‘व्हॉट्स अप लग्न’, ‘जय महाराष्ट्र ढाबा बठिंडा’, ‘लव्ह यु जिंदगी’, ‘मस्का’, ‘आर्टिकल १५’ यांसारख्या अनेक सिनेमांमध्ये काम केलं आहे.

प्रार्थनाच्या वैयक्तिक आयुष्याबद्दल सांगायचं तर अभिषेकने प्रार्थनाला लग्नासाठी दोघंही एकमेकांना डेट करत होते. यानंतर १४ नोव्हेंबर २०१७ मध्ये या दोघांचा विवाहसोहळा गोव्यात पार पडला होता. प्रार्थना आणि अभिषेकच्या लग्नाला कुटुंबीय तसेच जवळचे मित्र-मैत्रिणी उपस्थित राहिले होते. त्यांचा लग्नाला सात वर्षे पूर्ण झाली आहेत.