‘दृश्यम ३’ सह ५ धमाकेदार चित्रपट-वेब सीरिज ओटीटीवर घालणार धुमाकूळ; वीकेंडला घरबसल्या पाहा ‘या’ कलाकृती
Drishyam 3 OTT Prime Video Release: जर तुम्हाला या आठवड्यात बिझी शेड्युलमुळे चित्रपटगृहात जाऊन सिनेमा पाहता आला नसेल, तर काळजी करण्याची अजिबात गरज नाही. प्रेक्षकांसाठी या वीकेंडला विविध ओटीटी प्लॅटफॉर्म्सवर सस्पेन्स, थ्रिलर, रोमान्स आणि कॉमेडीने भरपूर असलेला मनोरंजनाचा मोठा खजिना खुला झाला आहे. यामध्ये सर्वाधिक उत्सुकता असलेला सुपरस्टार मोहनलाल यांचा मल्याळम क्राईम थ्रिलर ‘दृश्यम ३’ हा चित्रपट प्राइम व्हिडीओवर रिलीज झाला आहे. तसेच बऱ्याच काळापासून चर्चेत असलेले काही चित्रपट आणि वेब सीरिज आता ओटीटीवर येणार आहेत. चला तर मग जाणून घेऊया की या वीकेंडला तुम्हाला घरबसल्या कोणते चित्रपट आणि सीरिज पाहता येतील.
दृश्यम 3
Drishyam 3 on OTT : चित्रपटगृहांमध्ये तुफान कमाई केल्यानंतर आता ‘दृश्यम ३’ हा मल्याळम क्राईम थ्रिलर चित्रपट ओटीटीवर येणार आहे. यामध्ये सुपरस्टार मोहनलाल मुख्य भूमिकेत आहेत. चित्रपटात ‘जॉर्जकुट्टी’ आपल्या कुटुंबाला वाचवताना दिसतो. वरुणच्या हत्येचं रहस्य कधीतरी समोर येईल, अशी भीती त्याला प्रत्येक क्षणी सतावत असते. जर तुम्ही हा चित्रपट थिएटरमध्ये पाहू शकला नसाल, तर आता १८ जूनपासून प्राइम व्हिडीओवर पाहू शकता.
ठुकरा के मेरा प्यार सीझन 2
Thukra Ke Mera Pyaar Season 2 on OTT: या रोमँटिक वेब सीरिजच्या पहिल्या भागाला प्रेक्षकांची खूप चांगला प्रतिसाद दिला होता, आणि आता निर्माते याचा दुसरा भाग घेऊन परतले आहेत. या भागात शनविका आणि कुलदीपची कथा पुढे सरकते, दोघांचेही आयुष्य आता पूर्णपणे बदलले आहे. राजकारण आणि सूडाच्या आगीने पेटलेल्या या संघर्षात दोघेही एकमेकांच्या विरोधात उभे ठाकलेले दिसतील आणि नव्या आव्हानांचा सामना करतील. ही सीरिज १९ जूनपासून जिओ हॉटस्टारवर पाहता येईल.
अथिराडी
Athiradi on Sony LIV: या यादीत ‘अथिराडी’ नावाच्या आणखी एका मल्याळम चित्रपटाचा समावेश आहे. यामध्ये टोविनो थॉमस आणि बेसिल जोसेफ मुख्य भूमिकेत असून, हा कॉलेजच्या पार्श्वभूमीवर आधारित एक कॉमेडी-ड्रामा चित्रपट आहे. हा चित्रपट १९ जून रोजी ओटीटीवर येत असून, तो सोनी लिव (Sony LIV) वर पाहता येईल.
सेव्ह द टायगर्स 3
Save The Tigers Season 3 : ‘सेव्ह द टायगर्स’ या तेलुगु कॉमेडी वेब सीरिजचे दोन भाग आधीच रिलीज झाले आहेत आणि आता याचा तिसरा भाग १९ जून रोजी येत आहे. या नव्या भागातही तीन त्रस्त पतींच्या आयुष्यातील मजेशीर आणि गोंधळाची गोष्ट दाखवली जाईल. ही सीरिज जिओ हॉटस्टारवर पाहता येईल.
अब होगा हिसाब
Ab Hoga Hisaab on OTT: शाहीर शेख, संजय कपूर आणि मौनी रॉय यांच्या मुख्य भूमिका असलेली ‘अब होगा हिसाब’ ही आगामी वेब सीरिज फसवणूक व बदल्याची गोष्ट सांगते. ही सीरिज १८ जूनपासून ‘अमेझॉन एमएक्स प्लेयर’वर स्ट्रीम होत आहे. तसेच ती प्राइम व्हिडिओ, जिओ टीव्ही आणि एअरटेल एक्सस्ट्रीमवरही पाहता येईल. याची कथा पंजाबमध्ये राहणाऱ्या बॉबी (शाहीर शेख) आणि बंटी (अविनाश मिश्रा) या दोन भावांभोवती फिरताना दिसेल. मोठा भाऊ बॉबी आपल्या लहान भावाच्या चांगल्या भविष्यासाठी दिवस-रात्र मेहनत करतो आणि त्याला परदेशात पाठवू इच्छितो, अशी त्याची कथा आहे.
