मुसळधार पावसामुळे पाचोरा शहरातील नागरिकांची चांगलीच गैरसोय

याठिकाणी जणू पुराचे स्वरुपच प्राप्त झाले होते. शिवाजी नगर तसेच कृष्णापुरी भागातील स्थानिक युवकांनी यावेळी पायी येणाऱ्या जाणाऱ्या तसेच दुचाकीवरून जाणाऱ्यांना पाण्यातून रस्ता दाखवत माणुसकीचे दर्शन घडविले. राज्यात सवर्त्र पाण्याचा जोर वाढला आहेय. राज्यात पुढील तीन दिवस अतिवृष्टीचा इशारा देण्यात आला आहे. विशेषत: कोकणातील सर्व जिल्ह्यांना अतिवृष्टीचा इशारा देण्यात आला आहे.अनेक तालुक्यांमध्ये अद्यापही पावसाची प्रतीक्षा
दरम्यान, जिल्ह्यात अजूनही अनेक तालुक्यांमध्ये पाऊस नसल्याने जिल्हा प्रशासनाकडून त्यांच्या पाणी टंचाईच्या आराखड्यास मुदतवाढ देण्यात आली आहे. इतर तालुक्यांमध्ये मुसळधार पाऊस होत असताना दुसरीकडे मात्र अद्यापही कोरडेठाक असून पावसाची प्रतीक्षा आहे. प्रशासनाने दिलेल्या माहितीनुसार, संबंधित ९ तालुक्यांमध्ये अद्यापही सरासरीच्या २० टक्केही पाऊस पडलेला नाही. जिल्ह्यातील १३ गावांमध्ये पाणीटंचाई सदृश परिस्थिती असल्याने ११ टँकर सुरू आहेत.