breaking-newsआंतरराष्टीयताज्या घडामोडी
#CoronaVirus: लॉकडाउननं बिघडवलं अॅमेझॉनचं ‘कॉमर्स’; ७ हजार ५०० कोटींचा तोटा
सध्या जगभरात करोना व्हायरसनं थैमान घातलं आहे. अशा परिस्थितीत खरबदारीचा उपाय म्हणून अनेक देशांमध्ये लॉकडाउन जाहीर करण्यात आलं आहे. या लॉकडाउनमुळे ई कॉमर्स कंपनी अॅमेझॉनला मोठा तोटा सहन करावा लागला आहे. मार्च तिमाहित अॅमेझॉनचा नफा २९ टक्क्यांनी कमी होऊन तो २५४ कोटी डॉलर्स इतका झाला आहे. गेल्या वर्षी याच तिमाहित अॅमेझॉनला ३५६ कोटी डॉलर्सचा नफा झाला होता. यावेळी त्यांना तब्बल १०२ कोटी म्हणजेच अंदाजे ७ हजार ५०० कोटी रुपयांचा तोटा झाला आहे. कंपनीला लॉकडाउनच्या कालावधीत आपल्या सेवेवर अधिक खर्च करावा लागला. तर काही ठिकाणी जीवनावश्यक वस्तूंना वगळून अन्य वस्तूंच्या विक्रीवरही बंदी घालण्यात आली आहे. त्यामुळेच नुकसान झाल्याचं सांगण्यात येत आहे. मार्च महिन्यात कंपनीच्या शेअर्समध्येही पाच टक्क्यांची घट झाल्याचं पाहायला मिळालं आहे.