breaking-newsआंतरराष्टीयताज्या घडामोडी
#CoronaVirus: “आम्हालाही मदत करा”, पाकिस्तानने भारतासमोर पसरले हात
करोनाचा फैलाव संपूर्ण जगभरात झाला असून पाकिस्तानमध्येही थैमान घातला आहे. करोनासोबत लढण्यासाठी इम्रान खान सरकारने आता भारताकडे मदत मागितली आहे. सुत्रांनी दिलेल्या माहितीनुसार, पाकिस्तानने भारताकडे हायड्रॉक्सीक्लोरोक्विनचा पुरवठा करण्यची मागणी केली आहे.
याआधी इम्रान खान यांनी पाकिस्तानला मदतीचं आवाहन करणार एक व्हिडीओ शेअर केला होता. त्यामध्ये ते म्हणाले होते की, “आंतरराष्ट्रीय समुदाय, संयुक्त राष्ट्र सुरक्षा परिषद आणि आंतरराष्ट्रीय वित्तीय संस्था यांना माझं आवाहन आहे की, या संकटाच्या काळात पाकिस्तानसारख्या कर्जबाजारी देशांसाठी काही तरी ठोस मोहीम राबवावी. या मोहिमेअंतर्गत विकसनशील देशांचे कर्ज माफ करण्यात यावं”.
