मुंबईतला धक्कादायक प्रकार! तरुणीने ११ वर्षांच्या मैत्रिणीवर घडवून आणला सामूहिक बलात्कार

विरार येथे राहणारी ११ वर्षीय मुलगी ही आपला मोबाइल खराब झाल्याने तो दुरुस्त करण्यासाठी जात होती. त्यावेळी तिची मैत्रीण तिला वाटेत भेटली. फिरायला जाऊ, असे सांगत या मैत्रिणीने तिला एका झोपडपट्टीच्या मागील बाजूला नेले. त्यानंतर या मैत्रिणीने तिच्या तीन मित्रांना फोन करून त्या ठिकाणी बोलावून घेतले.

तिघेही जण त्या ठिकाणी आल्यानंतर, पिडीतेच्या मैत्रिणीने जबरदस्ती तिला मित्रासोबत संबंध ठेवण्यासं सांगितलं. पिडीतेने नकार दिल्यानंतर त्यांनी जवळपास काम सुरु असलेल्या गणेश मंडपाच्या मागे नेत पीडित मुलीची बदनामी करण्याची धमकी देत दोघांनी तिच्यावर लैंगिक अत्याचार केले. आरोपी पिडीतेवर अत्याचार करत असताना तिची मैत्रीण हा सर्व प्रकार तिथेच उभी राहुन पाहत होती. त्यानंतर साधारण संध्याकाळी पाचच्या सुमारास आरोपींनी पीडितेला तिच्या घराजवळ सोडले व तिथून निघून गेले.

दरम्यान, पिडीत तरुणी बऱ्याच वेळापासून घरी न आल्यानं तिच्या पालकांनी तिचा शोध घेण्यास सुरुवात केली होती. मात्र, काही वेळाने पीडित मुलगी घरी आल्यानंतर तिने आईला घडलेला प्रसंग सांगितला. त्यानंतर लगेचच तिच्या आईने पोलिस स्टेशन गाठून तक्रार दिली. पीडिती तरुणीने दिलेल्या माहितीनुसार, या प्रकरणी पीडित मुलीच्या मैत्रिणीसह तिघांवर विविध कलमान्वये गुन्हा दाखल करण्यात आला आहे. त्यानंतर दोघांना अटक केल्याची माहिती विरार पोलिसांनी दिली.दोन आरोपी विरार येथील असून पीडितेवर अत्याचार करणाऱ्या दोन आरोपींपैकी एक महाविद्यालयातील विद्यार्थी आहे तर एक भाजीविक्रेता आहे.

तिसऱ्या आरोपीचा शोध अद्याप सुरू असून तो ड्रग पेडलर असल्याची शक्यता पोलिसांनी वर्तवली आहे. त्याच्याविरोधात विविध पोलिस ठाण्यात तक्रार दाखल असल्याचा पोलिसांचा अंदाज आहे. दरम्यान, पीडितेच्या मैत्रिणीने तिच्यासोबत विश्वासघात का केला याबाबत अद्याप माहिती मिळालेली नाही. पीडितेचं त्या मैत्रिणीसोबत काही भांडण झालं होतं का किंवा पालकांसोबत वाद होता का याचा शोध पोलिस घेत आहेत.