मुंबईतील हॉटेलमध्ये ४० वर्षीय मॉडेलची आत्महत्या
मुंबईतील अंधेरी परिसरात एका ४० वर्षीय मॉडेलने आत्महत्या केल्याची खळबळजनक घटना समोर आली आहे. , मॉडेलचा मृतदेह हॉटेलच्या खोलीत पंख्याला लटकलेल्या अवस्थेत आढळून आला असून, घटनास्थळावरून एक सुसाईड नोटही पोलिसांनी जप्त केली आहे. याप्रकरणी पोलिसांनी पुढील तपास सुरू केला आहे.
पोलिसांनी दिलेल्या माहितीनुसार, या मॉडेलने बुधवारी रात्री आठ वाजेच्या सुमारास हॉटेलमध्ये चेक-इन केले. त्यानंतर जेवणाची ऑर्डरही दिली. यानंतर जेव्हा हॉटेलचा कर्मचारी जेवण घेऊन मॉडेलच्या खोलीत पोहोचला तेव्हा दरवाजा बंद होता. कर्मचाऱ्याने वारंवार विनंती करूनही दरवाजा उघडला गेला नाही आणि आतून कोणाताही प्रतिसाद आला नाही. अखेर त्या कर्मचाऱ्याने याबाबत हॉटेलच्या व्यवस्थापकास माहिती दिली. प्रकरण संशयास्पद असल्याचे पाहून हॉटेल व्यवस्थापकाने पोलिसांना याबाबत कळवले, त्यानंतर पोलिसांनी घटनास्थळी पोहोचून दरवाजा उघडण्याचा प्रयत्न केला.