म्यानमारचे राष्ट्राध्यक्ष यू मिन आंग ह्लाईंग यांच्याकडून मुंबई विमानतळाची पाहणी
मुंबई : येथील छत्रपती शिवाजी महाराज आंतरराष्ट्रीय विमानतळाची म्यानमारचे राष्ट्राध्यक्ष यू मिन आंग ह्लाईंग यांनी आज पाहणी केली. पाहणी दरम्यान त्यांनी विमानतळावरील प्रवाशी सोयी सुविधा, स्वयंचलित बॅग तपासणी यंत्रणा, जलद ‘इमिग्रेशन’ सुविधेसह सुरक्षा व्यवस्थेची विमानतळ अधिकाऱ्यांकडून माहिती घेतली.
राष्ट्राध्यक्ष ह्लाईंग यांच्यासोबत म्यानमार राष्ट्रपती कार्यालयाचे केंद्रीय मंत्री खिन माउंग यी, वित्त आणि महसूल मंत्री डॉ. कान झॉ, कृषी मंत्री मिन नाउंग, उद्योग आणि सूक्ष्म, लघू व मध्यम उद्योग विकास मंत्री डॉ. चार्टी थान, परराष्ट्र व्यवहार मंत्री टिन माउंग स्वे, म्यानमारच्या मध्यवर्ती बँकेचे गव्हर्नर डॉ. खिन नाइंग ऊ,
हेही वाचा – पिंपरी-चिंचवडमध्ये भाजपाच्या आढावा बैठकीत ‘रणनीती’!
संरक्षण दलातील लेफ्टनंट जनरल मो म्यिंट स्वे, राष्ट्रीय नियोजन, गुंतवणूक आणि परकीय आर्थिक संबंध मंत्री यू थंत सिन ल्विन, स्थलांतर आणि लोकसंख्या मंत्री डॉ. खाइंग खाइंग सो, वाणिज्य मंत्री मिन मिन आदी यावेळी उपस्थित होते. राजशिष्टाचार अधिकारी दिलीप शेडमेखे, अदानी समूहाचे मुख्य कार्यकारी अधिकारी विष्णू झा, केंद्रीय औद्योगिक सुरक्षा दलाचे पोलीस उपमहानिरीक्षक दीपक अग्रवाल हे अधिकारी देखील उपस्थित होते.
महाईन्यूज-X वर फॉलो करा : महाईन्यूजला instagram वर फॉलो करा
