हृदयद्रावक ! मॅनहोलमध्ये उतरून स्वच्छता करणाऱ्या कर्मचाऱ्याच्या अंगावरुन गेली कार, कर्मचाऱ्याचा मृत्यू, चालकासह दोघांना अटक
मुंबईः
मुंबई : मुंबईतील कांदिवली परिसरातून एक हृदयद्रावक घटना समोर आली आहे. येथे मॅनहोल साफ करणाऱ्या कर्मचाऱ्याचा कारने चिरडून मृत्यू झाला. मृत सफाई कर्मचारी यूपीतील बदायूं येथील रहिवासी होता. या घटनेनंतर आरोपी चालक आणि सफाई कंत्राटदाराला अटक करण्यात आली आहे. मुंबईच्या कांदिवली पश्चिम डहाणूकरवाडीची ही घटना आहे.
कांदिवलीतील डहाणूकरवाडी परिसरात रस्त्यावरील गटाराची सफाई करत असताना एका मजुराच्या अंगावर कार गेली. या अपघातात सफाई कामगाराचा मृत्यू झाला. ही घटना सीसीटीव्हीत कैद झाली आहे. या प्रकरणी पोलिसांनी कार चालक आणि मजुराला कामावर ठेवणाऱ्या ठेकेदाराला अटक केली आहे. या अपघातात सफाई कामगार गंभीर जखमी झाला. रविवारी उपचारादरम्यान सफाई कामगाराचा मृत्यू झाला.
37 वर्षीय जगवीर यादव असे सफाई कामगाराचे नाव आहे. त्याचवेळी, कार चालकाचे नाव विनोद उधवानी असे आहे. कांदिवली पोलिसांनी आरोपी चालकाविरुद्ध भादंवि ३०४ (अ) सह विविध कलमान्वये गुन्हा दाखल केला आहे. दुसरीकडे मॅनहोल साफ करताना आवश्यक सुरक्षा व्यवस्था न केल्याप्रकरणी ठेकेदार अजय शुक्लाला अटक करण्यात आली आहे.
