अभिनेत्री समांथा रूथ प्रभू झाली आई! १९ नोव्हेंबरला दिला गोंडस मुलाला जन्म; बाळाचे ठेवले ‘हे’ खास भारतीय नाव

Samantha Ruth Prabhu welcomes Baby Boy | दाक्षिणात्य आणि बॉलिवूड चित्रपटसृष्टीतील आघाडीची अभिनेत्री समांथा रूथ प्रभू आणि प्रसिद्ध दिग्दर्शक-निर्माता राज निदिमोरू यांच्या आयुष्यात आनंदाचा मोठा क्षण आला आहे. १९ नोव्हेंबर २०२६ रोजी समांथाने एका गोंडस मुलाला जन्म दिला आहे. समांथाने सोशल मीडिया प्लॅटफॉर्म इन्स्टाग्रामवर एक हृदयस्पर्शी फोटो शेअर करत चाहत्यांसोबत ही गोड बातमी शेअर केली असून, आपल्या चिमुकल्या बाळाचे नावही जाहीर केले आहे.
३९ वर्षीय समांथाने इन्स्टाग्रामवर पोस्ट केलेल्या या खास फोटोमध्ये तिने आणि राज निदिमोरू यांनी आपल्या चिमुकल्या बाळाचा इवलासा हात प्रेमाने हातात धरलेला दिसत आहे. या फोटोसोबत समांथाने कॅप्शनमध्ये लिहिले की, “आमचा सुंदर मुलगा देव निदिमोरू. १९/११/२०२६. आम्ही खूप आनंदी आहोत.” समांथाच्या या पोस्टवर चाहत्यांसह सेलिब्रिटींनी शुभेच्छांचा वर्षाव केला आहे. अभिनेत्री नयनतारा, तमन्ना भाटिया, अभिनेता वरुण धवन यांच्यासह चित्रपटसृष्टीतील अनेक दिग्गजांनी कमेंट्स करत या दोघांचे अभिनंदन केले आहे.
हेही वाचा
वायसीएम रुग्णालयातील १ कोटी ७२ लाखांचा निकृष्ट व विनापरवाना औषधसाठा जप्त!
View this post on Instagram
गेल्या वर्षी कोईम्बतूरमध्ये पार पडला होता विवाह सोहळा
समांथा रूथ प्रभू आणि दिग्दर्शक-निर्माता राज निदिमोरू यांनी १ डिसेंबर २०२५ रोजी लग्नगाठ बांधली होती. तमिळनाडूतील कोईम्बतूर येथील ईशा योग केंद्रातील लिंग भैरवी मंदिरात अत्यंत खासगी आणि आध्यात्मिक वातावरणात पारंपरिक ‘भूत शुद्धी विवाह’ पद्धतीने हा विवाह सोहळा संपन्न झाला होता. त्यानंतर जून २०२६ मध्ये समांथाने तिच्या ‘मा इंटि बंगारम’ या चित्रपटाच्या ‘सक्सेस मीट’दरम्यान आपण गरोदर असल्याची आनंदाची बातमी जाहीर केली होती. सप्टेंबर २०२६ मध्ये ईशा योग केंद्रातच दोघांचा पारंपरिक पद्धतीने डोहाळे जेवणाचा कार्यक्रम पार पडला आणि आता १९ नोव्हेंबर रोजी त्यांनी आपल्या पहिल्या बाळाचे स्वागत केले आहे.




