तन्वी पत्रीची युवा ऑलिम्पिकमध्ये ऐतिहासिक कामगिरी! बॅडमिंटनमध्ये रौप्यपदक जिंकणारी ठरली पहिली भारतीय महिला

Tanvi Patri Youth Olympics 2026 | अवघ्या १५ वर्षीय तन्वी पत्रीने युवा ऑलिम्पिक २०२६ मध्ये बॅडमिंटन महिला एकेरीत ऐतिहासिक रौप्यपदक पटकावून नवा इतिहास रचला आहे. सेनेगलची राजधानी डेकार येथे पार पडलेल्या या स्पर्धेत अंतिम फेरी गाठणारी आणि पदक जिंकणारी ती भारताची पहिली महिला बॅडमिंटनपटू ठरली आहे. सुवर्णपदकाच्या लढतीत चीनच्या विद्यमान जागतिक ज्युनियर विजेत्या झांग यी शिनविरुद्ध तन्वीने तब्बल ८२ मिनिटे दिलेली कडवी झुंज या स्पर्धेतील सर्वात रोमांचक आणि संस्मरणीय क्षणांपैकी एक ठरली.

१०-१९ अशा पिछाडीवरून ५ मॅच पॉईंट्स वाचवले; अंतिम सामन्यात थरार

अंतिम फेरीत तीन गेमपर्यंत रंगलेल्या या अटीतटीच्या लढतीत तन्वीचा १५-२१, २१-१३, २४-२६ असा अत्यंत निसटता पराभव झाला.

दमदार पुनरागमन: पहिला गेम १५-२१ असा गमावल्यानंतर तन्वीने जबरदस्त संयम दाखवत दुसरा गेम २१-१३ ने जिंकून सामन्यात बरोबरी साधली.

हेही वाचा

“संपूर्ण देश उद्ध्वस्त करायचा नाही, पण गरज पडल्यास…”; ट्रम्प यांचा इराणला इशारा

अविश्वसनीय लढत: निर्णायक तिसऱ्या गेममध्ये तन्वी एका क्षणी १०-१९ अशा मोठ्या फरकाने पिछाडीवर होती आणि झांगचा विजय निश्चित मानला जात होता. मात्र, प्रचंड दबावाखाली न झुकता तन्वीने सलग ५ मॅच पॉईंट्स वाचवून स्कोअर २४-२४ असा बरोबरीत आणत सर्वांना थक्क केले.

अखेरच्या क्षणी हुकले सुवर्णपदक: तन्वीलाही सुवर्णपदक जिंकण्याच्या ३ सुवर्णसंधी मिळाल्या होत्या; मात्र अखेरच्या क्षणी चिनी खेळाडूने आपला संयम कायम राखत २६-२४ असा गेम जिंकून सुवर्णपदकावर नाव कोरले, तर तन्वीला ऐतिहासिक रौप्यपदकावर समाधान मानावे लागले.

महाईन्यूज-X वर फॉलो करा : महाईन्यूजला instagram वर फॉलो करा