“आम्ही निर्णायक टप्प्यावर”; डोनाल्ड ट्रम्प यांचा इराणला थेट इशारा, न्यूयॉर्कमध्ये संभाव्य भेटीचे संकेत
हेही वाचा
तुकाराम मुंढेंच्या बदलीच्या चर्चेवर अखेर मौन सोडले; म्हणाले, ‘सरकार जो विभाग देईल, तिथे काम करेन’
फॉक्स न्यूजला दिलेल्या विशेष मुलाखतीत ट्रम्प यांनी आपण सध्या “निर्णयाच्या मोडमध्ये” असल्याचे स्पष्ट केले. “इराणच्या सत्ताधाऱ्यांनी योग्य भूमिका घेतली नाही तर त्याचे मोठे परिणाम भोगावे लागतील. त्यांनी नीट वागले पाहिजे,” असे ट्रम्प म्हणाले. यावेळी युद्धाबाबत ट्रम्प यांच्यासमोर तीन मुख्य पर्याय असल्याचे समोर आले आहे: थेट लष्करी कारवाईद्वारे इराणच्या लष्करी आणि सामरिक ठिकाणांचा पूर्णपणे नायनाट करणे, आर्थिक निर्बंध अधिक कडक करून इराणची अर्थव्यवस्था खिळखिळी करणे, किंवा मुत्सद्दी चर्चेतून अटींनुसार करार करून संघर्षावर तोडगा काढणे.
संयुक्त राष्ट्रांच्या महासभेत पेझेश्कियन-ट्रम्प भेट होणार?
दरम्यान, इराणचे राष्ट्राध्यक्ष मसूद पेझेश्कियन संयुक्त राष्ट्रांच्या (UN) महासभेसाठी न्यूयॉर्क दौऱ्यावर येत आहेत. अमेरिकेने इराणच्या मुख्य शिष्टमंडळाला यासाठी अधिकृत परवानगी दिली आहे. या दौऱ्यादरम्यान पेझेश्कियन यांची भेट घेणार का, असा प्रश्न विचारला असता ट्रम्प यांनी अशा संभाव्य भेटीसाठी आपण “बहुधा तयार” असल्याचे सूचक संकेत दिले आहेत. त्यामुळे संयुक्त राष्ट्रांच्या महासभेच्या व्यासपीठावर दोन्ही देशांच्या प्रमुखांमध्ये ऐतिहासिक भेट होणार का, याकडे संपूर्ण जगाचे लक्ष लागले आहे.
महाईन्यूज-X वर फॉलो करा : महाईन्यूजला instagram वर फॉलो करा
