डॉ. डी. वाय. पाटील वैद्यकीय महाविद्यालय, रुग्णालय व संशोधन केंद्र, पिंपरी, पुणे येथे तीन अत्याधुनिक केंद्रांच्या माध्यमातून पुण्यात जागतिक दर्जाच्या आरोग्यसेवेला नवी दिशा

‘यशराज प्रसाद पाटील’ मल्टी-ऑर्गन ट्रान्सप्लांट सेंटर ऑफ एक्सलन्स, ‘भाग्यश्री’ आई व गोकुळ मदर अँड चाइल्ड सेंटर आणि आयव्हीएफ अँड एन्डोस्कोपी सेंटरच्या माध्यमातून महाराष्ट्रातील प्रगत व विशेषीकृत आरोग्यसेवा अधिक सक्षम

पुणे :  डॉ. डी. वाय. पाटील वैद्यकीय महाविद्यालय, रुग्णालय व संशोधन केंद्र, पिंपरी, पुणे येथे तीन अत्याधुनिक केंद्रांचे उद्घाटन करण्यात आले. यामध्ये ‘यशराज प्रसाद पाटील’ मल्टी-ऑर्गन ट्रान्सप्लांट सेंटर ऑफ एक्सलन्स, ‘भाग्यश्री’ आई व गोकुळ मदर अँड चाइल्ड सेंटर आणि आयव्हीएफ अँड एन्डोस्कोपी सेंटर यांचा समावेश आहे. महाराष्ट्र शासनाच्या उपमुख्यमंत्री आणि पुणे जिल्ह्याच्या पालकमंत्री मा. सौ. सुनेत्राताई अजित पवार तसेच महाराष्ट्र शासनाचे सार्वजनिक आरोग्य व कुटुंब कल्याण मंत्री मा. श्री. प्रकाश आबिटकर यांच्या प्रमुख उपस्थितीत आणि हस्ते या केंद्रांचे उद्घाटन करण्यात आले.

या प्रसंगी मा. डॉ. पी. डी. पाटील, कुलपती, डॉ. डी. वाय. पाटील विद्यापीठ, पिंपरी, पुणे; मा. डॉ. (सौ.) भाग्यश्री पी. पाटील, प्र-कुलपती, डॉ. डी. वाय. पाटील विद्यापीठ, पिंपरी, पुणे; मा. डॉ. यशराज पी. पाटील, विश्वस्त व खजिनदार, डॉ. डी. वाय. पाटील विद्यापीठ सोसायटी, पिंपरी, पुणे; मा. डॉ. सोमनाथ पी. पाटील, प्र-कुलपती, ज्ञान प्रसाद ग्लोबल युनिव्हर्सिटी, पुणे आणि सचिव, डॉ. डी. वाय. पाटील युनिटेक सोसायटी, पुणे; मा. डॉ. (सौ.) स्मिता जाधव, प्र-कुलगुरू, डॉ. डी. वाय. पाटील विद्यापीठ, पिंपरी, पुणे आणि सचिव, डॉ. डी. वाय. पाटील विद्यापीठ सोसायटी, पुणे;मा. प्रा. डॉ. एन. जे. पवार, कुलगुरू, डॉ. डी. वाय. पाटील विद्यापीठ, पिंपरी, पुणे; डॉ. ए. रेखा, अधिष्ठाता, डॉ. डी. वाय. पाटील वैद्यकीय महाविद्यालय, रुग्णालय व संशोधन केंद्र, पिंपरी, पुणे; तसेच डॉ. एच. एच. चव्हाण, वैद्यकीय अधीक्षक, डॉ. डी. वाय. पाटील वैद्यकीय महाविद्यालय, रुग्णालय व संशोधन केंद्र, पिंपरी, पुणे यांची प्रमुख उपस्थिती होती.

या तीन केंद्रांचे उद्घाटन हे सर्वसमावेशक, प्रगत आणि विशेषीकृत आरोग्यसेवा एकाच छताखाली उपलब्ध करून देण्याच्या डॉ. डी. वाय. पाटील वैद्यकीय महाविद्यालयाच्या प्रयत्नांमधील आणखी एक महत्त्वपूर्ण टप्पा आहे. वैद्यकीय क्षेत्रातील उत्कृष्टता, अत्याधुनिक तंत्रज्ञान, रुग्णकेंद्री आणि संवेदनशील सेवा तसेच आरोग्यसेवेची सुलभ उपलब्धता यावर भर देत ही तीनही केंद्रे अवयव प्रत्यारोपण, माता व बाल आरोग्य, प्रजनन आरोग्य आणि अत्याधुनिक एन्डोस्कोपी या क्षेत्रांतील डॉ. डी. वाय. पाटील विद्यापीठाच्या क्षमता अधिक बळकट करतील.

‘यशराज प्रसाद पाटील’ मल्टी-ऑर्गन ट्रान्सप्लांट सेंटर ऑफ एक्सलन्स हे डॉ. डी. वाय. पाटील हॉस्पिटलच्या गुंतागुंतीच्या अवयव प्रत्यारोपणातील भक्कम अनुभवावर आधारित आहे. येथे आतापर्यंत हृदय, फुफ्फुस, मूत्रपिंड, स्वादुपिंड, नेत्र पटल आणि यकृत प्रत्यारोपणासह ५५० हून अधिक अवयव प्रत्यारोपण करण्यात आले आहेत. प्रत्यारोपण क्षेत्रातील जागतिक स्तरावरील सर्वोत्तम पद्धती रुग्णांच्या अधिक जवळ आणण्याच्या उद्देशाने या केंद्रात अत्याधुनिक वैद्यकीय तंत्रज्ञान, विशेष उपकरणे, प्रगत संसर्ग नियंत्रण प्रणाली तसेच स्वतंत्र एअर-हँडलिंग प्रणालीसह विशेषरित्या विकसित आणि नियंत्रित क्लिनिकल वातावरण उपलब्ध करून देण्यात आले आहे. प्रत्यारोपणाची प्रतीक्षा करणाऱ्या तसेच शस्त्रक्रियेनंतरच्या पुनर्वसनाच्या काळातील रुग्णांच्या सुरक्षिततेच्या दृष्टीने ही सुविधा महत्त्वपूर्ण आहे.

हेही वाचा –  गणेशभक्तांचा कोकण प्रवास वाहतूक कोंडीत; मुंबई-गोवा महामार्गावर ५-६ किमी अंतरासाठी तासभर

या केंद्रामध्ये हृदय व फुफ्फुसांच्या अंतिम अवस्थेतील आजार, गंभीर श्वसन संक्रमण तसेच प्रगत प्रत्यारोपण आणि अतिदक्षता उपचारांची आवश्यकता असलेल्या गुंतागुंतीच्या आजारांवरील रुग्णांसाठी विविध वैद्यकीय शाखांतील विशेष तज्ज्ञांची बहुविषयक टीम कार्यरत असेल. गेल्या तीन वर्षांत ५० हून अधिक हृदय व फुफ्फुस प्रत्यारोपण करण्यात आल्याने पश्चिम महाराष्ट्रातील प्रगत कार्डिओपल्मोनरी ट्रान्सप्लांट केअरच्या क्षेत्रात डॉ. डी. वाय. पाटील विद्यापीठाने सक्षम केंद्र म्हणून आपले स्थान निर्माण केले आहे. या नवीन सेंटर ऑफ एक्सलन्समुळे या क्षमता आणखी विस्तारतील. तसेच वैद्यकीय विद्यार्थी आणि पदव्युत्तर प्रशिक्षणार्थींना प्रगत प्रत्यारोपण तंत्रज्ञान, गुंतागुंतीच्या प्रक्रिया आणि जागतिक स्तरावरील वैद्यकीय पद्धतींचा प्रत्यक्ष अनुभव मिळणार आहे.

‘भाग्यश्री’ आई व गोकुळ मदर अँड चाइल्ड सेंटर हे माता आणि बालकांसाठी सर्वसमावेशक आरोग्यसेवा देणारे समर्पित केंद्र म्हणून विकसित करण्यात आले आहे. माता, नवजात बालके आणि मुलांसाठी विशेष सुविधा असलेल्या या केंद्रात विविध वैद्यकीय शाखांतील तज्ज्ञता आणि अत्याधुनिक वैद्यकीय पायाभूत सुविधा एकत्र आणण्यात आल्या असून, महिलांना आणि बालकांना आरोग्यसेवेच्या विविध टप्प्यांवर आवश्यक उपचार आणि काळजी उपलब्ध करून दिली जाणार आहे.

आयव्हीएफ अँड एन्डोस्कोपी सेंटरमध्ये आधुनिक पायाभूत सुविधा आणि विशेष वैद्यकीय तज्ज्ञतेच्या माध्यमातून प्रगत प्रजनन उपचार तसेच एन्डोस्कोपी सेवा उपलब्ध करून दिल्या जाणार आहेत. तंत्रज्ञानाधारित आणि रुग्णकेंद्री वातावरणात आधुनिक प्रजनन उपचार व एन्डोस्कोपी सेवा रुग्णांना उपलब्ध करून देणे हा या केंद्राचा उद्देश आहे.

उद्घाटनप्रसंगी बोलताना डॉ. पी. डी. पाटील, कुलपती, डॉ. डी. वाय. पाटील विद्यापीठ, पिंपरी, पुणे म्हणाले, “या तीन केंद्रांचे उद्घाटन हे अत्याधुनिक वैद्यकीय तंत्रज्ञान आणि संवेदनशील, सुलभ आरोग्यसेवा यांचा संगम असलेली संस्था उभारण्याच्या आमच्या सातत्यपूर्ण प्रवासातील एक महत्त्वाचा टप्पा आहे. गुंतागुंतीच्या आरोग्यविषयक गरजा एकाच छताखाली पूर्ण करता याव्यात, यासाठी आवश्यक पायाभूत सुविधा आणि वैद्यकीय क्षमता निर्माण करणे हे आमचे सातत्याने ध्येय राहिले आहे. या केंद्रांमधून आमची हीच बांधिलकी अधोरेखित होते आणि महाराष्ट्रासह देशभरातील विशेषीकृत आरोग्यसेवेत डॉ. डी. वाय. पाटील विद्यापीठाचे योगदान अधिक बळकट होईल.”

महाराष्ट्र राज्याच्या उपमुख्यमंत्री आणि पुणे जिल्ह्याच्या पालकमंत्री मा. सौ. सुनेत्राताई अजित पवार म्हणाल्या, “आज येथे उपस्थित राहून मला खरोखरच आनंद आणि समाधान वाटत आहे. डॉ. डी. वाय. पाटील यांची दूरदृष्टी तसेच शिक्षण, आरोग्यसेवा आणि समाजासाठी डॉ. पी. डी. पाटील यांनी दिलेले योगदान आपणा सर्वांना परिचित आहे. गेल्या अनेक वर्षांत या संस्थांमधून हजारो विद्यार्थी शिक्षण घेऊन बाहेर पडले आहेत आणि लाखो नागरिकांनी येथील आरोग्यसेवांचा लाभ घेतला आहे. प्रत्येक व्यक्तीच्या जीवनात आरोग्याला सर्वाधिक महत्त्व आहे आणि त्यामुळे आरोग्यसेवा उपलब्ध करून देणे ही केवळ सुविधा नसून मोठी जबाबदारी आहे. डॉ. डी. वाय. पाटील विद्यापीठातील विविध सुविधांना भेट देताना अत्याधुनिक वैद्यकीय तंत्रज्ञान आणि तज्ज्ञता एकाच छताखाली आणली जात असल्याचे पाहून आनंद झाला. पूर्वी अत्यंत गुंतागुंतीच्या मानल्या जाणाऱ्या अवयव प्रत्यारोपणासारख्या उपचारपद्धती आता येथे यशस्वीपणे केल्या जात आहेत.

‘भाग्यश्री’ आई व गोकुळ मदर अँड चाइल्ड सेंटर हे माता आणि बालकांचे आरोग्य समाजाच्या आरोग्याचा मूलभूत आधार आहे, या माझ्या विश्वासाचे प्रतीक आहे. बालरोग आणि नवजात बालकांसाठीच्या उपचार सुविधा, अत्याधुनिक तंत्रज्ञान आणि यशोदा मिल्क बँकेच्या माध्यमातून हे केंद्र केवळ उपचारच देत नाही, तर विशेषतः कामकाजी मातांसह संपूर्ण कुटुंबांना आशा देते. आयव्हीएफ अँड एन्डोस्कोपी सेंटर हे भविष्यातील आरोग्यविषयक गरजांची पूर्तता करण्याच्या दिशेने आणखी एक महत्त्वाचे पाऊल आहे. तंत्रज्ञान आणि विशेष तज्ज्ञता एकत्र आणून येथे सर्वसमावेशक आरोग्यसेवा दिली जाणार आहे. त्याचप्रमाणे, ‘यशराज प्रसाद पाटील’ मल्टी-ऑर्गन ट्रान्सप्लांट सेंटर ऑफ एक्सलन्स हेही अत्यंत महत्त्वाचे असून, गुंतागुंतीच्या अवयव प्रत्यारोपण क्षेत्रातील डॉ. डी. वाय. पाटील विद्यापीठाच्या वाढत्या क्षमतेचे ते द्योतक आहे. आतापर्यंत ५५० हून अधिक अवयव प्रत्यारोपण होणे ही निश्चितच उल्लेखनीय कामगिरी आहे.

“या सर्व सुविधांमागे समर्पित वैद्यकीय टीम आणि प्रगत आरोग्यसेवा सर्वसामान्यांना सुलभ व परवडणाऱ्या पद्धतीने उपलब्ध करून देण्याची ठाम बांधिलकी आहे. विविध शासकीय आरोग्य योजनांमुळे आर्थिकदृष्ट्या दुर्बल घटकांना उपचार अधिक सुलभ झाले आहेत आणि हे लाभ रुग्णांपर्यंत पोहोचवण्यासाठी डॉ. डी. वाय. पाटील हॉस्पीटल करत असलेले प्रयत्न कौतुकास्पद आहेत.

“या महत्त्वपूर्ण उपक्रमांसाठी मी डॉ. डी. वाय. पाटील विद्यापीठाच्या संपूर्ण टीमचे अभिनंदन करते. पिंपरी-चिंचवड हे केवळ औद्योगिक केंद्र नसून विकासाचे एक महत्त्वाचे केंद्र म्हणून पुढे येत आहे. शिक्षण, आरोग्यसेवा आणि नवोन्मेषाचे केंद्र म्हणून पिंपरी-चिंचवडच्या भविष्यातील वाटचालीत डॉ. डी. वाय. पाटील विद्यापीठासारख्या संस्था महत्त्वपूर्ण भूमिका बजावत आहेत.”

यावेळी बोलताना महाराष्ट्र राज्याच्या सार्वजनिक आरोग्य व कुटुंब कल्याण मंत्री मा. श्री. प्रकाश आबिटकर म्हणाले, “आजच्या काळातील आरोग्यसेवा म्हणजे केवळ अत्याधुनिक तंत्रज्ञान उपलब्ध असणे नव्हे, तर ज्यांना त्याची गरज आहे त्या नागरिकांपर्यंत ही सेवा पोहोचवणे हेही तितकेच महत्त्वाचे आहे. डॉ. डी. वाय. पाटील विद्यापीठात तीन अत्याधुनिक केंद्रांचे उद्घाटन महाराष्ट्राच्या काही महत्त्वाच्या आणि उदयोन्मुख आरोग्यविषयक गरजांची पूर्तता करण्याच्या दृष्टीने महत्त्वाचे आहे. आयव्हीएफ आणि एन्डोस्कोपी सेवांपासून ‘यशराज प्रसाद पाटील’ मल्टी-ऑर्गन ट्रान्सप्लांट सेंटर ऑफ एक्सलन्सपर्यंत विविध विशेषीकृत आरोग्यसेवा एकाच छताखाली उपलब्ध होत आहेत. त्यामुळे गुंतागुंतीच्या उपचारांसाठी रुग्णांना वेगवेगळ्या रुग्णालयांमध्ये जाण्याची आवश्यकता कमी होईल.

“मला या सुविधांना भेट देण्याची संधी मिळाली आणि येथे उभारण्यात येत असलेली अत्याधुनिक पायाभूत सुविधा तसेच सर्वसमावेशक सेवा पाहून आनंद झाला. शिक्षण, आरोग्यसेवा आणि समाजसेवेतील योगदानामुळे डॉ. डी. वाय. पाटील हे नाव मोठ्या आदराने घेतले जाते. आज लोक या संस्थेला केवळ नावामुळे नव्हे, तर राज्य आणि देशासाठी सातत्याने केलेल्या कार्य आणि सेवेमुळे ओळखतात. सार्वजनिक आरोग्य मंत्री म्हणून प्रत्येक नागरिकाला दर्जेदार आरोग्यसेवा मिळावी, हे माझे प्राधान्य आहे. अनेक कुटुंबांना प्रगत वैद्यकीय उपचारांचा खर्च परवडत नाही, ही वस्तुस्थितीही आपण लक्षात घेतली पाहिजे. त्यामुळे डॉ. डी. वाय. पाटील विद्यापीठातील कॉर्पस फंडसारखे उपक्रम, ज्यातून गरजू रुग्णांना उपचारासाठी आर्थिक मदत मिळू शकते, अत्यंत महत्त्वाचे आहेत. अत्याधुनिक आरोग्यसेवेबरोबरच संवेदनशीलता आणि परवडणारी उपचारपद्धतीही तितकीच आवश्यक आहे. ही केंद्रे उभारल्याबद्दल मी संपूर्ण टीमचे अभिनंदन करतो आणि त्यांच्या पुढील वाटचालीसाठी शुभेच्छा देतो. या सेवा केवळ पुण्यातील नागरिकांसाठीच नव्हे, तर महाराष्ट्र आणि संपूर्ण भारतातील रुग्णांसाठीही अत्यंत उपयुक्त ठरणार आहेत.”

डॉ. भाग्यश्री पी. पाटील, प्र-कुलपती, डॉ. डी. वाय. पाटील विद्यापीठ, पिंपरी, पुणे म्हणाल्या, “मागे वळून पाहताना मला आठवते की डॉ. पी. डी. पाटील यांनी २००१ मध्ये २२० खाटांच्या रुग्णालयातून या प्रवासाला सुरुवात केली. दर्जेदार आरोग्यसेवा सर्वांसाठी उपलब्ध असावी, या साध्या पण अत्यंत महत्त्वपूर्ण विचारातून ही वाटचाल सुरू झाली. आज हीच संकल्पना अत्याधुनिक तंत्रज्ञान आणि सर्वसमावेशक वैद्यकीय तज्ज्ञतेने सुसज्ज अशा २,०११ खाटांच्या संस्थेत विस्तारली आहे.

“दरवर्षी आम्ही १२ लाखांहून अधिक रुग्णांना सेवा देतो. यासोबतच २७ लाखांहून अधिक रक्त तपासण्या आणि ४२ लाख रेडिओलॉजिकल तपासण्या केल्या जातात. ३५० खाटांचे आई अँड गोकुळ पेडियाट्रिक हॉस्पिटल आणि ५१ खाटांचे एनआयसीयू यांच्या माध्यमातून आर्थिक परिस्थिती ही गंभीर उपचारांसाठी अडथळा ठरू नये, यासाठी आम्ही सातत्याने प्रयत्नशील आहोत. गरजू रुग्णांसाठी मोफत सी-सेक्शन आणि एनआयसीयू सेवा उपलब्ध करून देण्यात येत आहेत. पीएम-जेएवाय आणि एमजेपीजेएवायच्या माध्यमातून आर्थिकदृष्ट्या दुर्बल रुग्णांना प्रगत आरोग्यसेवा उपलब्ध करून देत उपचारांचे परिणाम अधिक चांगले करण्यावर आमचा भर आहे.

“गुंतागुंतीच्या मूत्रपिंड, यकृत, कॉर्निया आणि हृदय प्रत्यारोपणातील आमच्या वाढत्या तज्ज्ञतेचा आम्हाला अभिमान आहे. आवश्यकतेनुसार समन्वित वैद्यकीय सेवा आणि ग्रीन कॉरिडॉरच्या माध्यमातून ही उपचारप्रक्रिया अधिक प्रभावीपणे राबवली जाते. या तीन अत्याधुनिक केंद्रांचे उद्घाटन हा या प्रवासातील आणखी एक महत्त्वपूर्ण टप्पा आहे. पुणे तसेच महाराष्ट्राच्या विविध भागांतील रुग्णांसाठी अत्याधुनिक तंत्रज्ञान, विशेष तज्ज्ञता आणि संवेदनशील आरोग्यसेवा एकाच छताखाली उपलब्ध करून देणे, हे आमचे ध्येय आहे.”

ही तीनही केंद्रे अत्याधुनिक पायाभूत सुविधा, आधुनिक तंत्रज्ञान आणि विशेषीकृत वैद्यकीय सेवांच्या माध्यमातून सर्वसमावेशक आरोग्य परिसंस्था निर्माण करण्याच्या डॉ. डी. वाय. पाटील विद्यापीठाच्या व्यापक बांधिलकीचा भाग आहेत. डॉ. डी. वाय. पाटील वैद्यकीय महाविद्यालय, रुग्णालय व संशोधन केंद्र हे २,०११ खाटांचे NABH आणि NABL मान्यताप्राप्त रुग्णालय असून, येथे २४ ओपीडी, १८१ आयसीयू खाटा, स्वतंत्र प्रसूती संकुलासह ४५ खाटांचे एनआयसीयू, ३२ मॉड्युलर ऑपरेशन थिएटर्स आणि दोन कार्डियाक कॅथेटरायझेशन प्रयोगशाळा आहेत. रुग्णालयात चोवीस तास प्रयोगशाळा आणि रेडिओलॉजी सेवा उपलब्ध असून, दरवर्षी सुमारे ११ लाख रुग्णांना सेवा देताना सुमारे ५०,००० शस्त्रक्रिया केल्या जातात.

रुग्णालयात एमआरआय आणि सीटी इमेजिंग, समर्पित आयव्हीएफ अँड एन्डोस्कोपी सेंटर, दा विंची रोबोटिक सिस्टीम आणि Stryker-MAKOया अत्याधुनिक तंत्रज्ञानासह रोबोटिक शस्त्रक्रिया सुविधा, एन्डोस्कोपिक अल्ट्रासाऊंड सेंटर, २४x७ डायलिसिस युनिट तसेच विशेषीकृत प्रत्यारोपण सेवा उपलब्ध आहेत.

या तीन अत्याधुनिक केंद्रांच्या उद्घाटनामुळे प्रगत, विशेषीकृत आणि संवेदनशील आरोग्यसेवा उपलब्ध करून देतानाच गुंतागुंतीच्या वैद्यकीय सेवा एकाच छताखाली आणण्याच्या डॉ. डी. वाय. पाटील वैद्यकीय महाविद्यालय, रुग्णालय व संशोधन केंद्र च्या संकल्पनेला आणखी बळ मिळाले आहे.

महाईन्यूज-X वर फॉलो करा : महाईन्यूजला instagram वर फॉलो करा