थेरगावच्या ‘न्यू इंग्लिश मीडियम स्कूल’चा अन्वय सामग बॅडमिंटन स्पर्धेत दुहेरी सुवर्णपदकाचा धनी!
पिंपरी चिंचवड (प्रतिनिधी):
स्थानिक ‘न्यू English Medium School’ चा इयत्ता ९ वी मधील गुणवंत खेळाडू अन्वय सामग याने जिल्हास्तरीय बॅडमिंटन स्पर्धेत अष्टपैलू कामगिरी करत दुहेरी सुवर्णपदकावर (Double Gold Medal) आपले नाव कोरले आहे.
’अर्बन जेट्स योनेक्स-सनराईज W18 इंडिपेंडन्स कप डिस्ट्रिक्ट सुपर १०० रँकिंग बॅडमिंटन टूर्नामेंट २०२६’ या नुकत्याच पार पडलेल्या स्पर्धेत अन्वयने १५ वर्षांखालील (U15) गटात आपल्या वेगवान हालचाली आणि अचूक फटक्यांच्या जोरावर संपूर्ण वर्चस्व गाजवले.
अन्वयचे दैदिप्यमान यश:
U15 मुले एकेरी (Singles): अत्यंत चुरशीच्या ठरलेल्या अंतिम सामन्यात प्रतिस्पर्ध्याला नमवत अन्वयने पहिले सुवर्णपदक पटकावले.
U15 मुले दुहेरी (Boys Doubles): दुहेरीच्या अंतिम सामन्यातही चमकदार कामगिरीचे प्रदर्शन करत त्याने दुसरे सुवर्णपदक आपल्या नावावर केले.
हेही वाचा – एलपीजी पुरवठा सुरळीत ठेवण्यासाठी सरकारचा मोठा निर्णय; रिफायनरींना उत्पादनाचे लक्ष्य
एकाच स्पर्धेत दोन सुवर्णपदके मिळवून अन्वयने शाळेच्या व संपूर्ण थेरगाव परिसराच्या लौकिकात मोलाची भर घातली आहे. त्याच्या या यशाबद्दल संस्थेचे चेअरमन विजय पवार, मुख्याध्यापिका विद्या नाईक, क्रीडा शिक्षक, सर्व शिक्षकवृंद आणि व्यवस्थापनाने त्याचे विशेष कौतुक करून पुढील क्रीडा प्रवासासाठी शुभेच्छा दिल्या.
महाईन्यूज-X वर फॉलो करा : महाईन्यूजला instagram वर फॉलो करा
”अन्वयने मिळवलेले दुहेरी सुवर्णपदक हे त्याच्या कठोर परिश्रम आणि जिद्दीचे फळ आहे. त्याचा हा विजय शाळेतील इतर सर्व विद्यार्थ्यांसाठी प्रेरणादायी ठरेल. क्रीडा क्षेत्रात अन्वय असाच उत्तरोत्तर उज्ज्वल यश संपादन करत राहो, हीच शुभेच्छा!”
— विजय पवार (चेअरमन, न्यू इंग्लिश मीडियम स्कूल, थेरगाव)
