महिला कुस्तीपटू लैंगिक छळ प्रकरणात बृजभूषण शरण सिंह यांची निर्दोष मुक्तता

Brij Bhushan Sharan Singh | भारतीय कुस्ती महासंघाचे (WFI) माजी अध्यक्ष आणि भारतीय जनता पक्षाचे माजी खासदार बृजभूषण शरण सिंह यांना दिल्लीतील राऊस ॲव्हेन्यू न्यायालयाने मोठा दिलासा दिला आहे. महिला कुस्तीपटूंनी लावलेल्या लैंगिक छळाच्या गंभीर आरोपांमधून न्यायालयाने बृजभूषण शरण सिंह यांच्यासह सहआरोपी विनोद तोमर यांची निर्दोष मुक्तता केली आहे.

नेमके प्रकरण काय होते?

महिला कुस्तीपटूंनी बृजभूषण शरण सिंह हे WFI चे अध्यक्ष असताना भारतातील तसेच परदेशातील स्पर्धांदरम्यान लैंगिक छळ केल्याचे गंभीर आरोप केले होते. याविरोधात नामांकित भारतीय कुस्तीपटूंनी दिल्लीतील जंतर-मंतर येथे दीर्घकाळ तीव्र आंदोलन छेडले होते. या आंदोलनानंतर देशभरात मोठा गदारोळ झाला होता, ज्याची दखल घेत दिल्ली पोलिसांनी एफआयआर (FIR) नोंदवून सखोल तपास सुरू केला होता. तपास पूर्ण झाल्यानंतर १५ जून २०२३ रोजी दिल्ली पोलिसांनी सुमारे १,५०० पानांचे विस्तृत आरोपपत्र न्यायालयात सादर केले होते. या आरोपपत्राच्या आधारे बृजभूषण शरण सिंह आणि विनोद तोमर यांच्यावर न्यायालयीन खटला चालवला जात होता.

हेही वाचा

आकिब नबीची भारताच्या कसोटी संघात निवड! BCCI ची अधिकृत घोषणा

Women wrestlers alleged sexual harassment case: Delhi’s Rouse Avenue court acquits Brij Bhushan Sharan Singh and Vinod Tomar in the case https://t.co/ewuhyHvoS4

— ANI (@ANI) August 3, 2026

या प्रकरणाच्या संवेदनशीलतेमुळे निकाल वाचनादरम्यान राऊस ॲव्हेन्यू न्यायालयात प्रसारमाध्यमांच्या प्रतिनिधींना प्रवेश देण्यात आला नव्हता. न्यायालयात सर्व पुरावे आणि साक्षीदारांची सखोल पडताळणी केल्यानंतर दोन्ही आरोपींची सर्व आरोपांतून मुक्तता करण्यात आली. निकालानंतर बृजभूषण शरण सिंह यांच्या वकिलांनी पत्रकारांशी बोलताना ही “सन्मानपूर्वक निर्दोष मुक्तता (Honourable Acquittal)” असल्याचे स्पष्ट केले. जंतर-मंतरवरील आंदोलनापासून सुरू झालेल्या या दीर्घ न्यायालयीन लढाईत अखेर न्यायालयाने सर्व आरोपांतून बृजभूषण सिंह यांना क्लीन चिट दिली असून, या निकालामुळे राजकीय आणि क्रीडा वर्तुळात वादग्रस्त ठरलेल्या या खटल्याला आता पूर्णविराम मिळाला आहे.

महाईन्यूज-X वर फॉलो करा : महाईन्यूजला instagram वर फॉलो करा