लष्कर ए तोयबाच्या दोन दहशतवाद्यांचा खात्मा
लष्कर ए तोयबा या दहशतवादी संघटनेच्या दोन दहशतवाद्यांचा गुरूवारी खात्मा करण्यात आला. जम्मू-काश्मीरच्या बारामुल्ला जिल्ह्यातील डंगेरपोरा गावात ही चकमक झाली. यादरम्यान जवानांनी या दोन्ही अतिरेक्यांना घेरले होते, मात्र त्यांच्याकडून गोळीबार करण्यात आल्याने जवानांकडून झालेल्या प्रतिहल्ल्यात ते दोघेही ठार झाले.
भारतीय सैन्याच्या २२ आर आर संयुक्त पथक,जम्मू – काश्मीर पोलिसांचे विशेष मोहिम पथक व सीआरपीएफच्या तुकडीने ही कारवाई केली. या कारवाई दरम्यान परिसरातील शाळा, महाविद्यालयांसह इंटरनेट सेवा बंद ठेवण्यात आली होती.
या अगोदर जम्मू- काश्मीरमध्ये जवानांनी झाकिर मुसा या भयानक दहशतावाद्याचा खात्मा करण्यात यश मिळवले होते. पुलवामा जिल्ह्यातील त्राल भागात जवानांनी मोठी चकमक व भीषण गोळीबारानंतर हिज्बुल मुजाहिद्दीनचा माजी कमांडव सध्याचा जम्मू-काश्मीर आयएस कमांडर दहशतवादी झाकिर मूसाचा खात्मा केला होता.