पुण्यातील येरवडा कारागृहात दोन कैद्यामध्ये हाणामारी झाल्याची घटना घडली असुन, या घटनेत एक कैदी जखमी झाला आहे.
येरवडा कारागृहाचे अधिक्षक यु.टी. पवार यांनी दिलेल्या माहितीनुसार, येरवडा कारागृहातील एका खोलीत खुन प्रकरणातील शाहरूख शेख आणि तुषार हंबीर हे दोघेही आरोपी होते. या दोघांमध्ये आज सकाळच्या सुमारास एका विषयावरून बाचाबाची झाली. वाद वाढत गेल्याने दोघांमध्ये तुफान हाणामारी झाली.
यामध्ये शाहरुख शेख याने केलेल्या मारहाणीत तुषार हंबीर हा गंभीर जखमी झाला. त्याला रूग्णालयात दाखल करण्यात आले असून त्याच्यावर उपचार सुरू आहेत. तसेच कोणत्या कारणावरून वाद झाला. याबाबत चौकशी करण्यात येत असल्याचे त्यांनी सांगितले.
