गेल्या अनेक महिन्यांपासून राज्य मंत्रिमंडळाच्या विस्ताराच्या चर्चा सुरू होत्या. परंतु मंत्रिमंडळाच्या विस्ताराला मात्र मुहूर्त मिळाला नव्हता. त्यातच शुक्रवारी रात्री मुख्यमंत्री देवेंद्र फडणवीस यांनी शिवसेना पक्षप्रमुख उद्धव ठाकरे यांची भेट घेतली. या भेटीदरम्यान मंत्रिमंडळाच्या विस्ताराबाबत चर्चा झाल्याची माहिती समोर आली आहे.
विधिमंडळाच्या पावसाळी अधिवेशनापूर्वी मंत्रिमंडळ विस्ताराच्या हालचालींना वेग आला आहे. मुख्यमंत्री देवेंद्र फडणवीस यांनी शुक्रवारी उद्धव ठाकरे यांची त्यांच्या मातोश्री या निवासस्थानी भेट घेतली. यावेळी मंत्रिमंडळाच्या विस्ताराबाबत सविस्तर चर्चा करण्यात आल्याची माहिती खुद्द मुख्यमंत्र्यांनी ट्विटरवरून दिली. त्यामुळे आता मंत्रिमंडळाच्या विस्ताराच्या चर्चांना पूर्णविराम लागण्याच्या शक्यता आहेत.
Devendra Fadnavis✔@Dev_Fadnavis
शिवसेना पक्ष प्रमुख मा. उद्धव ठाकरेजी यांची आज मातोश्री येथे भेट घेतली आणि मंत्रिमंडळ विस्तारासंदर्भात विस्तृत चर्चा केली.
