भांडुपमध्ये क्रिकेट खेळताना ह्रदयविकाराच्या झटक्याने २४ वर्षांच्या तरुणाचा मृत्यू

सोमय्या महाविद्यालयात रस्सीखेच स्पर्धा सुरु असताना एका विद्यार्थ्याचा मृत्यू झाल्याची घटना ताजी असतानाच भांडुप येथे क्रिकेट खेळताना एका तरुणाचा मृत्यू झाला. ह्रदयविकाराच्या झटक्याने त्याचा मृत्यू झाला असून वैभव केसरकर (वय २०) असे या तरुणाचे नाव आहे.

भांडुपमध्ये २३ डिसेंबर रोजी टेनिस क्रिकेट स्पर्धेचे आयोजन करण्यात आले होते. यास्पर्धेदरम्यान गावदेवी संघाकडून खेळणारा वैभव केसरकर हा फलंदाजीसाठी मैदानात आला. मात्र, छातीत दुखू लागल्याने तो तंबूत परतला. काही वेळाने तो क्षेत्ररक्षणासाठी मैदानात परतला असता त्रास वाढला. अखेर त्याला तातडीने जवळील भावसार रुग्णालयात दाखल करण्यात आले. मात्र, उपचारादरम्यान त्याचा मृत्यू झाला. ह्रदयविकाराच्या झटक्याने त्याचा मृत्यू झाल्याचे डॉक्टरांनी सांगितले.