बांधकाम नियमितीकरणाला मुदतवाढ
पिंपरी – नवनगर विकास प्राधिकरणाकडून ३१ डिसेंबर २०१५ पूर्वीच्या अनधिकृत बांधकामांच्या नियमितीकरणासाठी १८ फेब्रुवारी २०१९ पर्यंत मुदतवाढ दिली आहे. संबंधित वाढीव मुदतीनंतर आलेल्या अर्जांचा विचार केला जाणार नाही. संबंधित अनधिकृत बांधकामांवर कारवाई करण्यात येईल, असे प्राधिकरण प्रशासनाने स्पष्ट केले आहे.
नियमितीकरणासाठी केवळ ७० ते ७५ अर्ज आले आहेत. नियमितीकरणाबाबतची माहिती प्राधिकरणाच्या www.pcntda.org.in या संकेतस्थळावर उपलब्ध आहे. त्यासाठी सविस्तर अर्जाचे नमुने, आवश्यक कागदपत्रे, वारंवार विचारले जाणारे प्रश्न व सरकारी निर्णयाची माहिती प्राधिकरणाच्या संकेतस्थळावर अनधिकृत बांधकामे नियमितीकरण-unauthorized structure regularisation या लिंकवर मिळेल. अर्ज विहित नमुन्यात आवश्यक कागदपत्रांसह स्वीकारण्यात येतील. बांधकाम नियमितीकरणासाठी परवानाधारक अभियंता, आर्किटेक्टमार्फत अर्ज करावेत.